ნიკა მელია - გომელაურს არ სურს, წარმოჩინდეს ისეთად, როგორადაც საზოგადოებაშია ცნობილი - კომპეტენციისგან, მეტიც, შინაარსისგან დაცლილი უწყების ხელმძღვანელი

გომელაურს არ სურს, წარმოჩინდეს ისეთად, როგორადაც საზოგადოებაშია ცნობილი - კომპეტენციისგან, მეტიც, შინაარსისგან დაცლილი უწყების ხელმძღვანელი, - ამის შესახებ "ნაციონალური მოძრაობის" ერთ-ერთმა ლიდერმა, ნიკა მელიამ განაცხადა.

მელია პარლამენტში სახელმწიფო უსაფრთხოების სამსახურის უფროსის, ვახტანგ გომელაურის მისვლას და იმ ფაქტს გამოეხმაურა, რომ კითხვა-პასუხის ნაწილი დახურულ ფორმატში ჩაივლის.

„ჩვენ ამას რა თქმა უნდა, გავაპროტესტებთ. წარმოუდგენელია, რატომ უნდა დაიხუროს სხდომა. სახელმწიფო უსაფრთხოების სამსახური, როგორც ასეთი, არ მუშაობს მხოლოდ და მხოლოდ საიდუმლოების მატარებელ საკითხებზე. როდესაც მაგალითად, ტერორისტულ ორგანიზაციებთან დაკავშირებით დადგება საკითხი, დავხუროთ სხდომა, მაგრამ კორუფციაზე საჯაროდ ვისაუბროთ. დავსვამთ კითხვებს და მოვისმინოთ გომელაურისგან პასუხი, მაგრამ არ უნდათ, ვინაიდან პასუხი არ აქვთ. მთელი საანგარიშო წლის განმავლობაში მხოლოდ 13 თუ 14 კორუფციული ფაქტი აქვთ გამოვლენილი ქვეყანაში, სადაც თავისივე სტატისტიკური მონაცემებით, 89%-ითაა კორუფციის, ქრთამის აღების ფაქტები გაზრდილი. გაუგებარია, ვის ემალებიან, მაინც ხომ გამოვალთ, დერეფანში მოგცემთ კომენტარს და ვილაპარაკებთ ყველაფერზე, რის ლაპარაკსაც სხდომათა დარბაზში ვაპირებთ? მაგრამ გომელაურს ალბათ, არ სურს, წარმოჩინდეს ისეთად, როგორადაც საზოგადოებაშია ცნობილი - კომპეტენციისგან, მეტიც, შინაარსისგან დაცლილი უწყების ხელმძღვანელი. ეტყობა, არ უნდა, მედიის თანდასწრებით არაკვალიფიციური ჩანდეს. სხდომის დახურვას სხვა ახსნას ვერ ვუძებნი“, - განაცხადა მელიამ.

მანვე ჩამოთვალა ის საკითხები, რომელთა შესახებაც ვახტანგ გომელაურს პლენარულ სხდომაზე კითხვებს დაუსვამენ.

„ბევრი კითხვა იქნება უდანაშაულო თემირლან მაჩალიკაშვილის საკუთარ სახლში, საკუთარ საძინებელში, საკუთარ ლოგინში დახვრეტის თაობაზე. სუს-მა ჩაატარა ეს ოპერაცია, სპეცრაზმი შეიყვანა, ხომ? 2 წელიწადი გავიდა და პასუხი არ არსებობს. იქნება კითხვები პანკისის ხეობასთან დაკავშირებით და ზოგადად, რა უსაფრთხოების ზომებს ატარებს სუს-ი, განსაკუთრებით, ჩვენი არამეგობრულად განწყობილი სახელმწიფოების ძირგამომთხრელი საქმიანობის შესაჩერებლად“, - განაცხადა მელიამ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა