ადა მარშანია - უკიდურესად მომეშალა ნერვები! საქართველოს მოსახლეობას მივმართავ, დღეს ე.წ. პარლამენტში ძალიან ცუდი რამ ხდება

აბა რა პრეტენზია გაქვთ გამოჩენილო ლიბერალებო! რა გამრუდებული აზროვნების დეპუტატები ჰყავს ქვეყანას, რა დაგემართათ! რა ფეტიშიზმია გაბატონებული ევროპის მიმართ, – აღნიშნული განცხადება ფრაქცია “საქართველოს პატრიოტების“ წევრმა ადა მარშანიამ “ზოგადი განათლების შესახებ” კანონში დაგეგმილი ცვლილებების პროექტის კენჭისყრის წინ გააკეთა.

“უკიდურესად მომეშალა ნერვები! ახლა საქართველოს მოსახლეობას მივმართავ, რომ დღეს საქართველოს ე.წ. პარლამენტში ძალიან ცუდი რამ ხდება. ეს პარლამენტი არ არის საქართველოს პარლამენტი, რაშიც მეათასჯერ დავრწმუნდი. აქ ხდება ტერმინოლოგიით მანიპულირება და საქართველო ამ პარლამენტის წყალობით მალე საშინელ ბავშვთა კოდექსს მიიღებს, სადაც ყველაფერი თავდაყირაა დაყენებული - ჩვენი იდენტობა, ჩვენი ეროვნული ფასეულობები, ჩვენი ისტორია, ჩვენი გმირების თავდადებული ბრძოლა. გინდათ, რომ ბავშვების გადაგვარების გზაზე დააყენოთ ქვეყანა. არ გამოგივათ ეს ამბავი“, - განაცხადა ადა მარშანიამ პარლამენტის პლენარულ სხდომაზე.

შეგახსენებთ, რომ პარლამენტმა ნუკრი ქანთარიასა და გენადი მარგველაშვილის საკანონმდებლო ინიციატივა ჩააგდო, რომელიც “ზოგადი განათლების შესახებ” კანონიდან სიტყვის - “ლიბერალური” ამოღებას ითვალისწინებდა.

კენჭისყრას წინ ამ თემაზე ხმაურიანი დებატები უძღვოდა. “ევროპული საქართველოს“ წევრებმა კენჭისყრის გადადება მოითხოვეს, ვიდრე პროექტი საბოლოო სახით არ დაზუსტდებოდა. ანალოგიური პოზიცია ჰქონდა უმრავლესობის წევრებს დიმიტრი ცქიტიშვილს, რომელმაც აღნიშნა, რომ საკანონმდებლო ინიციატივას წარმოდგენილი სახით მხარს ვერ დაუჭერდა.

ინიციატორმა ნუკრი ქანთარიამ კენჭისყრის გადადების შეთავაზება არ გაიზიარა. შედეგად კი, კანონპროექტი პირველივე კენჭისტრაზე ჩავარდა.

ამავე პროექტის მიხედვით, კანონს ემატება პუნქტი, რომლის მიხედვით, საქართველოში ზოგადი განათლების სფეროში სახელმწიფო პოლიტიკის ძირითად მიზნებს შორის არის მოსწავლის მიერ ეროვნული ტრადიციების გაცნობიერება და პატივისცემის განვითარება.

“ზოგადი განათლების“ შესახებ საქართველოს კანონის მე-3 მუხლი ზოგადი განათლების სფეროში სახელმწიფო პოლიტიკის ძირითად მიზნებს ადგენს. როგორც საკანონმდებლო ინიციატივის ავტორები განმარტავენ, კანონით განსაზღვრული მიზნები “ბავშვის უფლებების შესახებ“ კონვენციის მოთხოვნებს და სულისკვეთებას არ შეესაბამება.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს