ვახტანგ გომელაური - ხაზგასმით უნდა აღინიშნოს აშშ-ის როლი ქვეყნის უსაფრთხოების დაცვისა და სამსახურის შესაძლებლობების განვითარების მიმართულებით

გასულ წელს საქართველოსა და მსოფლიოში განვითარებულმა პროცესებმა კიდევ ერთხელ ნათლად დაგვანახა, რომ ქვეყნის უსაფრთხოების უზრუნველყოფა მნიშვნელოვან გამოწვევებთან არის დაკავშირებული, - ამის შესახებ სახელმწიფო უსაფრთხოების სამსახურის უფროსმა ვახტანგ გომელაურმა პარლამენტის პლენარულ სხდომაზე წლიური ანგარიშის წარდგენისას განაცხადა.

მისი თქმით, სუს-ის საქმიანობის წარმატებას დიდწილად განსაზღვრავს პარტნიორ ქვეყნებთან და საერთაშორისო ორგანიზაციებთან მჭიდრო ურთიერთობა.

„სახელმწიფო უსაფრთხოების სამსახურის საქმიანობის წარმატებას დიდწილად განსაზღვრავს სახელმწიფო უწყებებთან მუდმივი კოორდინაცია, ასევე პარტნიორ ქვეყნებთან და საერთაშორისო ორგანიზაციებთან მჭიდრო ურთიერთობა. საერთაშორისო თანამშრომლობის თვალსაზრისით, აღსანიშნავია, სახელმწიფო უსაფრთხოების სამსახურის თანამშრომლობა ამერიკის შეერთებული შტატების, დიდი ბრიტანეთისა და ევროპის ქვეყნების შესაბამის უწყებებთან. ხაზგასმით უნდა აღინიშნოს შეერთებული შტატების როლი ჩვენი ქვეყნის უსაფრთხოების დაცვისა და სამსახურის შესაძლებლობების განვითარების მიმართულებით.

საანგარიშო პერიოდში, სამსახურის ინიციატივით, ხელი მოეწერა საიდუმლო ინფორმაციის გაცვლისა და ორმხრივად დაცვის შესახებ მთავრობათაშორის შეთანხმებებს 3 ქვეყანასთან (ალბანეთი, იტალია, მოლდოვა). დღეისათვის, ორმხრივი შეთანხმებები გაფორმებულია 23 სახელმწიფოსთან და ევროკავშირთან. აღნიშნული მიმართულებით გრძელდება აქტიური კონსულტაციები სხვა პარტნიორებთანაც. ასევე, ინტენსიურად ვთანამშრომლობდით საქართველოში აკრედიტებული ქვეყნების ატაშეებსა და დიპლომატიური კორპუსის წარმომადგენლებთან,”- განაცხადა გომელაურმა.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა