თურქეთი რუსეთისგან სარაკეტო თავდაცვითი სისტემის ყიდვით ნატოსგან დისტანცირებას არ ცდილობს, - ამის შესახებ თურქეთის თავდაცვის მინისტრმა ჰულუსი აქარმა განაცხადა.

„არ არსებობს პირობა, რომლის მიხედვითაც უნდა გვითხრან „გამოეთიშებით, თუ იყიდით S-400 სისტემას რუსეთისგან“. ჩვენი გარიცხვა მხოლოდ იმის გამო, რომ რომელიმე ქვეყანას ასე სურს, არ იქნება სამართლიანი. ეს არ უნდა მოხდეს“, - განაცხადა თურქეთის თავდაცვის მინისტრმა.

შეგახსენებთ, ანკარამ რუსეთისგან S-400-ის ყიდვის შესახებ განაცხადა, რის გამოც აშშ-მა თურქეთი გააფრთხილა, რომ ის ამერიკისგან F15-ის ტიპის გამანადგურებლებს ვეღარ მიიღებს.