პრემიერ-მინისტრმა აშშ-ის სახელმწიფო მდივნის თანაშემწე ჯორჯ კენტს უმასპინძლა

საქართველოს პრემიერ-მინისტრმა მამუკა ბახტაძემ ამერიკის შეერთებული შტატების სახელმწიფო მდივნის თანაშემწის მოადგილეს ევროპისა და ევრაზიის საკითხებში ჯორჯ კენტს, რომელიც საქართველოში აშშ-საქართველოს სტრატეგიული პარტნიორობის ქარტიის დემოკრატიის სამუშაო ჯგუფის სესიის ფარგლებში იმყოფება, სამუშაო სადილზე უმასპინძლა. ამის შესახებ „ინტერპრესნიუსს“ პრემიერის პრესსამსახურიდან აცნობეს.

მათივე ინფორმაციით, შეხვედრისას ყურადღება აშშ-საქართველოს სტრატეგიულ პარტნიორობასა და ურთიერთობებზე გამახვილდა, რომელიც დღეს უმაღლეს ნიშნულზეა. შეხვედრაზე გამოითქვა მზადყოფნა ორმხრივი ეკონომიკური თანამშრომლობის გაძლიერებისთვის. ამ კონტექსტში პრემიერმა და აშშ-ის სახელმწიფო მდივნის თანაშემწის მოადგილემ განიხილეს აშშ-საქართველოს შორის თავისუფალი ვაჭრობის რეჟიმის ამოქმედების პერსპექტივა. შეხვედრაზე ყურადღება დაეთმო საქართველოში მიმდინარე რეფორმებს და დემოკრატიის კონსოლიდაციის გზაზე ქვეყნის მიერ მიღწეულ პროგრესს. პრემიერ-მინისტრმა ამერიკულ მხარეს დემოკრატიული ინსტიტუტების განმტკიცების საქმეში გაწეული დახმარებისთვის მადლობა გადაუხადა. საუბრისას, ხაზი გაესვა თავდაცვისა და უსაფრთხოების სფეროში სტრატეგიულ პარტნიორებს შორის მაღალი დონის თანამშრომლობას, ასევე რეგიონში მიმდინარე პროცესებსა და უსაფრთხოების კუთხით არსებულ გამოწვევებს. პრემიერ-მინისტრმა შავი ზღვის რეგიონის უსაფრთხოების როლზე ისაუბრა საერთო ევროატლანტიკური უსაფრთხოების უზრუნველყოფაში. შეხვედრისას, ასევე ყურადღება გამახვილდა ევროპული და ევროატლანტიკური ინტეგრაციის გზაზე საქართველოს მიერ მიღწეულ პროგრესზე.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია