კომპანია „არემჯი“ ბოლნისის რაიონში ახალგაზრდების სოციალური პასუხისმგებლობის და სამოქალაქო აქტივიზმის ხელშეწყობისთვის საგრანტო კონკურსს აცხადებს

კომპანია „არემჯი“ კორპორაციული სოციალური პასუხისმგებლობის პროგრამის ფარგლებში, ბოლნისის რაიონში ახალგაზრდების სოციალური პასუხისმგებლობის და სამოქალაქო აქტივიზმის ხელშეწყობისთვის საგრანტო კონკურსს აცხადებს. ამის შესახებ „ინტეპრესნიუსს“ კომპანია „არემჯი“-დან აცნობეს.

მათივე ინფორმაციით, „არემჯის იდეების ლაბორატორია“ – საგანმანათლებლო პროექტია, რომლის მიზანია ხელი შეუწყოს რეგიონში მცხოვრები უფროსკლასელების (IX-XII კლასის მოსწავლეების) სოციალური პასუხისმგებლობის განვითრებას და მათ სამოქალაქო აქტივიზმში ჩართულობას. დღეს, აღნიშნულ პროექტთან დაკავშირებით დაბა კაზრეთის № 2 სკოლაში საინფორმაციო შეხვედრა გაიმართა, რომელზეც კაზრეთის სკოლების ადმინისტრაციამ და მოსწავლეებმა ინფორმაცია მიიღეს პროექტში მონაწილეობის წესების, შემდგომ დაგეგმილი ინტენსიური ტრენინგის და საბოლო პროექტზე მუშაობის პირობებთან დაკავშირებით.

კაზრეთის #1 და #2 სკოლებიდან შერჩეულ 24 მოტივირებულ უფროსკლასელს, 2 კვირიან პროექტის წერის ტრენინგს არაფორმალური განათლების ახალგაზრდულ ცენტრის „მზიან სახლის“ ტრენერები ჩაუტარებენ. „არემჯის“ ინიციატივით, პროექტების მომზადებისას პრიორიტეტულ თემები იქნება „მწვანე გარემო“ და „სოციალური ურთიერთობები“.მაისის ბოლოს, ტრენინგში ჩართული ახალგაზრდებისგან დაკომპლექტებული ჯგუფები დასრულებულ პროექტებს სპეციალურად შექმნილ კომისიას წარუდგენენ, რომელიც გამარჯვებულ პროექტს/პროექტებს გამოავლენს. საუკეთესო პროექტის განხორციელებას „არემჯი“ სრულად დააფინანსებს.

„რეგიონში წარვადგინეთ ახალი საგანმანათლებლო პროგრამა ,,არემჯის იდეების ლაბორატორია“. ეს კაზრეთში მცხოვრებ სკოლის მოსწავლეებს შესაძლებლობას აძლევს, წარმოაჩინონ საკუთარი ნიჭი და უნარები. კომპანიას აქვს მაღალი სოციალური პასუხისმგებლობა ახალგაზრდული მიმართულებით და დღევანდელი დღე არის ამის ნათელი მაგალითი. დიდი ინტერესით დაველოდებით ახალგაზრდების მიერ წარმოდგენილ პროექტებს“,-განაცხადა კომპანია „არემჯის“ აღმასრულებელი დირექტორის მოადგილემ ამირან ქართველიშვილმა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში