კახა კალაძე - სამთავრობო ცვლილებებთან დაკავშირებით ამ ეტაპზე არანაირი მსჯელობა არ ყოფილა

სამთავრობო ცვლილებებთან დაკავშირებით ამ ეტაპზე არანაირი მსჯელობა არ ყოფილა, - ამის შესახებ თბილისის მერმა კახა კალაძემ განაცხადა.

მისივე თქმით, განსაკუთრებული არაფერია იმაში, რომ პარტიის რიგები რამდენიმე დეპუტატმა დატოვა, რადგან ეს "ცოცხალი პროცესია".

"რაც შეეხება დეპუტატების გასვლას, რამდენიმე მათგანმა ეს გადაწყვეტილება მიიღო. ჩვეულებრივი პროცესია, პარტიაა. თუ ადამიანებს აქვთ განსხვავებული პოზიციები, განსხვავებული ხედვები, რა თქმა უნდა, ისინი ვერ დარჩებიან და ვერ იქნებიან პარტიაში. ამიტომ, აქ რაღაც განსაკუთრებულს ვერაფერს ვხედავ. ჩვეულებრივი ცოცხალი პროცესია, როგორც დემოკრატიულ ქვეყნებში ხდება ხოლმე. პარტია არის ცოცხალი ორგანიზმი. ზოგი მიდის, ზოგი მოდის. ცვლილებებთან დაკავშირებით ამ ეტაპზე არანაირი მსჯელობა არ ყოფილა“, - განაცხადა თბილისის მერმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა