ქეთევან ციხელაშვილმა წეროვანის მოსახლეობას პროგრამა „აწარმოე უკეთესი მომავლისთვის“ გააცნო

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი წეროვანის დევნილთა დასახლებაში, სააგენტოს „აწარმოე საქართველოში“ დირექტორის მოადგილესთან თორნიკე ზირაქიშვილთან ერთად, მოსახლეობას შეხვდა და მათ პროგრამა „აწარმოე უკეთესი მომავლისთვის“ გააცნო. ამის შესახებ „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს.

მათი ინფორმაციით, შეხვედრაზე სახელმწიფო მინისტრმა დეტალურად მიმოიხილა როგორც სამშვიდობო ინიციატივა „ნაბიჯი უკეთესი მომავლისკენ“, ისე მისი ერთ-ერთი კომპონენტი „აწარმოე უკეთესი მომავლისთვის“.

როგორც სამინისტროს ინფორმაციაშია აღნიშნული, ახალი პროექტი უკვე ამოქმედდა და ოკუპირებულ ტერიტორიებსა და გამყოფი ხაზების გასწვრივ მცხოვრებ მოსახლეობას ახალი შესაძლებლობებისკენ უხსნის გზას.

შეხვედრაზე მოსახლეობისაგან არაერთი კითხვა დაისვა, რომლებზეც ამომწურავი პასუხები მიიღეს.

ქეთევან ციხელაშვილის თქმით, ცხინვალის რეგიონიდან, ახალგორიდან დევნილებთან შეხვედრა ყოველთვის განსაკუთრებულია.

„ჩემთვის ძალიან მნიშვნელოვანია, რომ ამ ადამიანებს, რომელთაც რეგულარული კონტაქტი და შეხება აქვთ ნათესავებთან, თავადაც ცხოვრობენ ახალგორში, სრული ინფორმაცია ჰქონდეთ ყველა იმ სამშვიდობო ინიციატივის შესახებ, რომელიც საქართველოს მთავრობის მხრიდან ხორციელდება. დღეს ვისაუბრეთ ინიციატივის „ნაბიჯი უკეთესი მომავლისკენ“ ფარგლებში გათვალისწინებულ ახალ პროგრამაზე „აწარმოე უკეთესი მომავლისათვის“, რომელიც გათვლილია მათი მდგომარეობის გაუმჯობესებაზე ეკონომიკური საქმიანობისა და გამყოფი ხაზების გასწვრივ ვაჭრობის გზით. ასეთი ვაჭრობა დღესაც მიმდინარეობს და ძალიან ბევრი ოჯახისათვის, არამხოლოდ ქართული ოჯახებისათვის, ეს სასიცოცხლოდ მნიშვნელოვანია. რა თქმა უნდა, გვინდა, რომ მეტ ადამიანს ჰქონდეს ინფორმაცია, მეტი ჩაერთოს, მეტმა ისარგებლოს და ამით გვერდში დავუდგეთ იმ უდიდეს წნეხთან გამკლავებისას, რასაც მათ რუსული ოკუპაცია უქმნის“, - აღნიშნა შეხვედრის დასრულების შემდეგ სახელმწიფო მინისტრმა.

შეხვედრას აგრეთვე ესწრებოდა ახალგორის მუნიციპალიტეტის გამგებელი ნუგზარ თინიკაშვილი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს