ინფორმაციის თავისუფლების განვითარების ინსტიტუტმა (IDFI) ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტო დააჯილდოვა. ამის შესახებ „ინტერპრესნიუსს“ტექნიკური და სამშენებლო ზედამხედველობის სააგენტოდან აცნობეს.
„ინსტიტუტმა 2018 წელს სამასამდე საჯარო უწყებიდან 6 000-ზე მეტი საჯარო ინფორმაცია გამოითხოვა. ინფორმაციის გაცემის მხრივ სააგენტო ყველაზე ღია დაწესებულებებს შორის მოხვდა. ხოლო, სხვა უწყებებს შორის, ინფორმაციის ხელმისაწვდომობის ხარისხი ყველაზე მეტად ეკონომიკისა და მდგრადი განვითარების სამინისტრომ გააუმჯობესა,” - ნათქვამია სააგენტოს ინფორმაციაში.