ირაკლი კობახიძე აშშ-ს სახელმწიფო მდივნის თანაშემწის მოადგილეს ჯორჯ კენტს შეხვდა

ამერიკის შეერთებული შტატები საქართველოს პარლამენტის მხარდაჭერას გააგრძელებს, რათა ქვეყნის უმაღლესი საკანონმდებლო ორგანო გახდეს კიდევ უფრო ქმედითი და ეფექტური ცენტრი საქართველოს პოლიტიკურ სისტემაში - ამის შესახებ დღეს, საქართველოს პარლამენტის თავმჯდომარეს, ირაკლი კობახიძესა და ევროპისა და აზიის საკითხებში ამერიკის შეერთებული შტატების სახელმწიფო მდივნის თანაშემწის მოადგილეს, ჯორჯ კენტს შორის გამართულ სამუშაო შეხვედრაზე ისაუბრეს.

როგორც „ინტერპრესნიუსს“ პარლამენტის პრესსამსახურიდან აცნობეს, მხარეებმა საქართველოს პარლამენტის დღის წესრიგისა და უმაღლეს საკანონმდებლო ორგანოში მიმდინარე ინსტიტუციური რეფორმის შესახებ ისაუბრეს. ირაკლი კობახიძემ ამერიკულ მხარეს პარლამენტში განხორციელებული ცვლილებები გააცნო, რაც პარლამენტის საზედამხედველო ფუნქციების ეფექტურ შესრულებას უზრუნველყოფს.

ამას გარდა, საუბარი შეეხო მართლმსაჯულების რეფორმის მეოთხე ტალღას და უზენაესი სასამართლოს მოსამართლეთა შერჩევასთან დაკავშირებულ კანონს. პარლამენტის თავმჯდომარემ ხაზგასმით აღნიშნა, რომ კანონით დადგინდა უპრეცედენტოდ ღია და გამჭვირვალე პროცედურა, რომელიც უზრუნველყოფს დაინტერესებულ მხარეთა მაქსიმალურ ჩართულობასა და შესაბამისი კვალიფიკაციისა და რეპუტაციის კანდიდატთა შერჩევას.

მხარეებმა იმსჯელეს ორმხრივი თანამშრომლობის სხვა აქტუალურ მიმართულებებსა და პარლამენტის საჭიროებებზე. განიხილეს ასევე ეუთო/ოდირის რეკომენდაციები. ირაკლი კობახიძემ კიდევ ერთხელ გამოთქვა ქართული მხარის მზაობა, რომ აღნიშნული რეკომენდაციები მაქსიმალურად იქნას გათვალისწინებული.

თავის მხრივ, ჯორჯ კენტმა ირაკლი კობახიძეს ამერიკის შეერთებული შტატების მხრიდან საქართველოს პარლამენტის მიმართ მხარდაჭერა დაუდასტურა და მჭიდრო თანამშრომლობის გაგრძელებისთვის მზადყოფნა გამოთქვა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა