ამერიკისა და რუსეთის პრეზიდენტებს შორის სატელეფონო საუბარი შედგა. ამის შესახებ თეთრი სახლის პრესსპიკერმა სარა სანდერსმა ჟურნალისტებს ბრიფინგზე განუცხადა.

მისი თქმით, დონალდ ტრამპმა და ვლადიმირ პუტინმა განიხილეს რობერტ მიულერის გამოძიების შედეგები, ვენესუელაში მიმდინარე მოვლენები, ჩრდილოეთ კორის საკითხი, ასევე, სტრატეგიული შეტევითი შეიარაღების შემდგომი შემცირების შესახებ შეთანხმების გაგრძელების შესაძლებლობაზე, რომელიც დადებულია რუსეთს, ამერიკსა და ჩინეთს შორის.

კრემლის ინფორმაციით კი, ტრამპისა და პუტინის სატელეფონო საუბარი საათნახევარს გაგრძელდა. თუმცა კრემლის პრესმდივანს დიმიტრი პესკოვს საუბრის დეტალებზე არაფერი უთქვამს.