ვახტანგ გომელაური ოპოზიციის ბრალდებებზე - ის, რომ სუს-ი რატომ დგას აქ და  მანქანიდან მიყურებსო -   ამის უფლება აქვს, უნდა მანქანით იდგება, უნდა მოტოციკლით -  უნდა ფეხით და უნდა ცხენით მივა

ის, რომ სუს-ი რატომ დგას აქ, იქ, მანქანიდან მიყურებს - ამის უფლება აქვს. უნდა მანქანით იდგება, უნდა მოტოციკლით, უნდა ფეხით და უნდა ცხენით მივა, - ამის შესახებ სუსი-სი ხელმძღვანელმა ვახტანგ გომელაურმა ჟურნალისტებს განუცხადა, როდესაც გამოეხმაურა ოპოზიციის განცხადებას, რომ სახელმწიფო უსაფრთხოების სამსახურის რესურსი ოპოზიციის თვალთვალში იხარჯება.

როგორც დახურული პლენარული სხდომის დასრულების შემდეგ გომელაურმა განაცხადა, ამასთან დაკავშირებით საუბარი სხდომაზეც ჰქონდათ.

„თამამად შემიძლია ვთქვა, რომ ჩვენ, რა თქმა უნდა, ამაზე გვქონდა შიგნით საუბარი. მე იქაც დავაფიქსირე, რომ არავის ეკრძალება - არც პოლიციის თანამშრომელს, არც უსაფრთხოების სამსახურის თანამშრომელს, რომ ამა თუ იმ ღონისძიებას დაესწროს. რა თქმა უნდა, ხელი არ უნდა შეუშალოს, არ უნდა დაემუქროს და სხვადასხვა წინააღმდეგობრივი ქმედებები არ ჩაატაროს იმათ მიმართ, ვინც ატარებს ღონისძიებას - ეს შეკრებაა, ღონისძიებაა, მიტინგია, თუ რაც არის.

ის, რომ რატომ დგას აქ, იქ და მანქანიდან მიყურებს, ამის უფლება აქვს. უნდა მანქანით იდგება, უნდა მოტოციკლეტით, უნდა ფეხით იდგება და უნდა ცხენით მივა. ანუ, კი, გეთანხმებით, რომ კანონით არ იკრძალებაო. თუ ხელს უშლის, რაღაცას მოუწოდებს ან არ ვიცი, ქვებს ისვრის (ამ შემთხვევაში, სამწუხაროდ, სხვა ადგილებში მოხდა) ეს, რა თქმა უნდა, დანაშაულია.

ის, რომ ადამიანს უყურებს, უთვალთვალებს, აკვირდება რამე არ მოხდეს და ინფორმაციას დანაყოფს , პოლიციას გადასცემს, რომ იქ, რაღაც მოვიდა მეორე ჯგუფი, რომელსაც შიძლება ამათ ქვები ესროლოს, მნიშვნელობა არ აქვს „ქართული ოცნება“ იქნება, „ნაციონალური მოძრაობა“, თუ „ევროპული საქართველო“, ეს ინფორმაცია უნდა მიაწოდოს . ეს, რა თქმა უნდა, მისი საქმეა“, - განაცხადა გომელაურმა

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)