ამერიკის პრეზიდენტი დონალდ ტრამპი რუს კოლეგა ვლადიმირ პუტინთან სატელეფონო საუბარს აფასებს და აცხადებს, რომ „კარგი საუბარი“ შედგა. ამის შესახებ ამერიკის ლიდერმა „ტვიტერის“ პირად გვერდზე დაწერა.

„იყო ხანგრძლივი და ძალიან კარგი საუბარი რუსეთის პრეზიდენტ პუტინთან. როგორც ყოველთვის ვამბობდი, ვიდრე კუდიანებზე ნადირობა დაიწყებოდა, რუსეთთან, ჩინეთთან და სხვებთან ურთიერთობა კარგია და არა ცუდი“ - წერს ტრამპი.

მისი ინფორმაციით, ისაუბრეს ვაჭრობის, ვენესუელას, უკრაინის, ჩრდილოეთ კორეის, ბირთვული შეიარაღების კონტროლისა და „რუსული სიცრუის“ შესახებ.

ტრამპმა პუტინთან საუბარს, რომელიც დღეს საათზე მეტ ხანს გასტანა, „პროდუქტიული“ უწოდა.