საქართველო-აშშ-ის სტრატეგიული პარტნიორობის ქარტიის კომისიის დემოკრატიისა და მმართველობის სამუშაო ჯგუფის შეხვედრა გაიმართა

საგარეო საქმეთა სამინისტროში საქართველო-ამერიკის შეერთებული შტატების სტრატეგიული პარტნიორობის ქარტიის დემოკრატიისა და მმართველობის სამუშაო ჯგუფის მორიგი შეხვედრა გაიმართა.ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს. უწყების ცნობით, შეხვედრაში ქართული მხრიდან მონაწილეობა საკანონმდებლო, აღმასრულებელი და სასამართლო ხელისუფლების წარმომადგენლებმა მიიღეს. მხარეებმა საქართველოში პოლიტიკური პლურალიზმის, მედიის თავისუფლებისა და მართლმსაჯულების სისტემის დამოუკიდებლობის უზრუნველყოფის მიმართულებით მიღწეული პროგრესი განიხილეს.ამასთან, შეხვედრის მონაწილეებმა უსაფრთხოების სამსახურებზე ზედამხედველობის, ადგილობრივი თვითმმართველობისა და დეცენტრალიზაციის, ძალოვანი უწყებების რეფორმის, სასამართლო ხელისუფლების დამოუკიდებლობის, საარჩევნო სისტემის დახვეწისა და ადამიანის უფლებების დაცვის საკითხებზე და სამომავლო გეგმებზე ისაუბრეს.შეხვედრაზე ძლიერი ინსტიტუტებისა და გამჭვირვალე და ანგარიშვალდებული მმართველობის მნიშვნელობას და ამ თვალსაზრისით, სამოქალაქო საზოგადოების ჩართულობის განსაკუთრებულ როლს გაესვა ხაზი. ასევე, ამერიკის შეერთებული შტატების მხარდაჭერის მნიშვნელობას ძლიერი და დამოუკიდებელი სასამართლო სისტემის განმტკიცებისა და სახელისუფლებო შტოებს შორის ურთიერთკონტროლისა და ბალანსის გაუმჯობესების საქმეში. მხარეები შეთანხმდნენ, რომ დამატებითი რეფორმების განხორციელება გააძლიერებს საქართველოს დემოკრატიას და ხელს შეუწყობს ქვეყნის ევროპულ და ევროატლანტიკურ სტრუქტურებში ინტეგრაციას. შეხვედრას საქართველოს მხრიდან საგარეო საქმეთა მინისტრის მოადგილე, ვახტანგ მახარობლიშვილი და იუსტიციის მინისტრის მოადგილე, გოჩა ლორთქიფანიძე ხელმძღვანელობდნენ, ხოლო აშშ-ს მხრიდან ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილე, ჯორჯ კენტი, აშშ-ის საერთაშორისო განვითარების სააგენტოს ადმინისტრატორის თანაშემწის მოადგილე, ალექსანდერ სოკოლოვსკი და დემოკრატიის, ადამიანის უფლებებისა და შრომის საკითხებში აშშ-ის სახელმწიფო მდივნის თანაშემწის მოქმედი მოადგილე, მაიკლ კელერი.

„ამერიკის შეერთებული შტატები საქართველოს სტრატეგიული პარტნიორი და უმთავრესი მეგობარი სახელმწიფოა, რომელიც ძალიან დიდ როლს თამაშობს და წვლილი შეაქვს ჩვენი ქვეყნის განვითარებაში. დღევანდელი შეხვედრა, რომლის ფორმატიც მიძღვნილია დემოკრატიისა და ადამიანის უფლებათა თემისადმი, იყო ძალიან საინტერესო და შინაარსობრივად დატვირთული. ამერიკულმა მხარემ მოისმინა, თუ რა რეფორმები მიმდინარეობს საქართველოში და ამავდროულად, ქართულ მხარესაც ჰქონდა შესაძლებლობა მოესმინა ამერიკული მხარის რეკომენდაციები. რომლებითაც მიმდინარეობს პროცესები“, -აღნიშნა ვახტანგ მახარობლიშვილმა შეხვედრის შეფასებისას. სტრატეგიული პარტნიორობის ქარტიის კომისია წარმოადგენს საქართველოსა და ამერიკის შეერთებულ შტატებს შორის ფართო და გაღრმავებული თანამშრომლობის ორგანიზებისა და პრიორიტეტიზაციის უმთავრეს მექანიზმს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას