აკაკი საღირაშვილი - 2018 წელს საქართველოს ნავსადგურებში საკონტეინერო გადაზიდვებმა რეკორდულ ნიშნულს მიაღწია

ეკონომიკისა და მდგრადი გნავითარების მინისტრის მოადგილე აკაკი საღირაშვილმა მონაწილეობა მიიღო გლობალური გადამზიდავი კომპანიის "MSC" - ის (Mediterranean Shipping Company S.A.) საქართველოს წარმომადგენლობის დაფუნების 10 წლის იუბილესადმი მიძღვნილ მიღებაში. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

სიტყვით გამოსვლისას, ეკონომიკისა და მდგრადი განვითარების მინისტრის მოადგილემ განაცხადა, რომ საქართველოში საკონტეინერო გადაზიდვების დადებითი დინამიკაა.

მისი თქმით, საქართველოს ნავსადგურებში საკონტეინერო გადაზიდვებმა რეკორდულ ნიშნულს მიაღწია 2018 წელს, რამაც 450 ათას TEU კონტეინერზე მეტი შეადგინა, ხოლო 2019 წლის პირველი სამი თვის მონაცემებით ზრდა, 2018 წლის ანალოგიურ პერიოდთან, 36 პროცენტია. "საქართველოს ბაზრით ისეთი კომპანიების დაინტერესება, როგორიცაა "MSC" - ი კიდევ უფრო მიმზიდველს გახდის ჩვენს სატრანსპორტო კორიდორს საკონტეინერო გადაზიდვებისთვის. ჩვენი მთავარი ინტერესია, ვაქციოთ ჩვენი ქვეყანა, ჩვენი პორტები რეგიონალურ ჰაბად", - განაცხადა ეკონომიკისა და მდგრადი განვითარების მინისტრის მოადგილე აკაკი საღირაშვილმა.

"MSC"-ის ვიცე-პრეზიდენტმა რაფაელე ერკოლანომ აღნიშნა, რომ საქართველო კავკასიის რეგიონიდან აზიამდე ტვირთების ტრანსპორტირების დიდ ჰაბად ჩამოყალიბდება.

"ჩვენ 23 წლის წინ შემოვედით ქართულ ბაზარზე, რაც იმის მაჩვენებელია, თუ რამდენად გვჯერა საქართველოს წარმატების. დარწმუნებული ვართ, საქართველო კავკასიის რეგიონიდან აზიამდე ტვირთების ტრანსპორტირების დიდ ჰაბად ჩამოყალიბდება. ჩვენ ახალი ინვესტიცია განვახორციელეთ და საქართველოში ჩამოვაყალიბეთ ახალი კომპანია "Medlog"-ი, რათა უზრუნველვყოთ როგორც სახმელეთო, ისე საზღვაო სერვისები და ე.წ. "კარიდან კარამდე" მიწოდება. ამით, ჩვენ განვაგრძობთ ჩვენი წინაპრების მიერ დაწყებულ საქმეს საყოველთაოდ ცნობილი აბრეშუმის გზის კვალდაკვალ. გვჯერა, საქართველოს დიდი მომავალი აქვს და ყველაფერს გავაკეთებთ იმისათვის, რომ მხარი დავუჭიროთ თქვენს ქვეყანას," - განაცხადა "MSC" - ის ვიცე-პრეზიდენტმა.

კომპანია "MSC"-ი საქართველოსთან 1996 წლიდან თანამშრომლობს, თუმცა შვილობილი კომპანია საზღვაო-სატრანსპორტო სააგენტო "MSC Georgia" 2009 წელს დააფუძნა.

"MSC Georgia" საღვაო საკონტეინერო გადაზიდვებს საქართველოში არსებული ორივე საზღვაო ნავსადგურიდან (ფოთი, ბათუმი) მთელი მსოფლიოს მასშტაბით ახორციელებს. MSC ჯგუფის კიდევ ერთმა კომპანიამ "მედლოგ ჯორჯიამ" ბათუმში მულტიმოდალური საზღვაო ტერმინალი გახსნა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)