ფლორიდის შტატში „ბოინგ 737“ მდინარეში ჩავარდა
აშშ-ის ფლორიდის შტატში, ქალაქ ჯექსონვილთან თვითმფრინავი დაშვების შემდეგ მოცურდა და მდინარეში ჩავარდა. შემთხვევის მიზეზი ჭექა-ქუხილი და წვიმა გახდა.
თვითმფრინავ „ბოინგ 737“-ზე 143 მგზავრი იმყოფებოდა. მედიის ინფორმაციით, შემთხვევას მსხვერპლი არ მოჰყოლია.
20-მდე ადამიანი, რომელებმაც სხეულის მცირე დაზიანება მიიღეს, საავადმყოფოში გადაიყვანეს. მათ სიცოცხლეს საფრთხე არ ემუქრება.
თვითმფრინავი, რომლის ბორტზეც ამერიკელი სამხედროები და მათი ოჯახის წევრები იმყოფებოდნენ, კუბიდან აშშ-ში ჩაფრინდა.
