„წითელი ბარათი პრეზიდენტს", - ამ სახელწოდებით, სამოქალაქო მოძრაობამ „რუსეთი ოკუპანტია" პრეზიდენტის იმპიჩმენტის მოთხოვნით, აქცია პრეზიდენტის ათონელის სასახლესთან გამართა.

როგორც აქციის ერთ-ერთმა მონაწილემ ანა ჭარხალაშვილმა განაცხადა, პრეზიდენტი სალომე ზურაბიშვილი, ბოლო პერიოდში, ქვეყნის იმიჯისთვის დამაზიანებელ განცხადებებს აკეთებს და სწორედ ამან განაპირობა მისი იმპიჩმენტის მოთხოვნა.

„ვაპროტესტებთ სალომე ზურაბიშვილის ბოლოდროინდელ ანტისახელმწიფოებრივ განცხადებებს, რაც არ არის ერთჯერადი, მუდმივად იმეორებს მსგავსი შინაარსის განცხადებებს, რაც საფრთხეს უქმნის ტერიტორიულ მთლიანობას, ამიტომ ჩვენ ვითხოვთ, სალომე ზურაბიშვილის იმპიჩმენტს. „წითელი ბარათის მოძრაობა“ დაიწყება და ეს არ იქნება მხოლოდ სალომე ზურაბიშვილისთვის. ეს იქნება იმ პარლამენტისთვის, რომელიც აქტიურად უჭერდა მხარს სალომე ზურაბიშვილს და დღეს ცდილობენ, რომ აისხლიტონ სალომე ზურაბიშვილი", - განაცხადა ანა ჭარხალაშვილმა.

იხილეთ ვიდეო: "წითელი ბარათები პრეზიდენტს" - აქცია პრეზიდენტის რეზიდენციასთან