მამუკა ბახტაძე დავით გარეჯის შესახებ - მივმართავ ყველას და ვთხოვ, თავი შევიკავოთ გადაუმოწმებელი ინფორმაციის გავრცელებისგან

მე ძალიან კარგად მესმის, თიეთოეული ქართველისთვის, მათ შორის ჩემთვის ეს არის ემოციური საკითხი, მაგრამ კიდევ ერთხელ მსურს, რომ მივმართო ყველას და ვთხოვო,თავი შევიკავოთ გადაუმოწმებელი ინფორმაციის გავრცელებისგან, ემოციური გამონათქვამებისგან, რომელსაც ნამდვილად არ აქვს კავშირი რეალობასთან, - ამის შესახებ საქართველოს პრემიერ-მინისტრმა მამუკა ბახტაძემ „იმედის“ ეთერში დავით გარეჯთან დაკავშირებით საუბრისას განაცხადა.

მთავრობის მეთაურმა აღნიშნა, რომ განახლებული კომისია მთავრობის უახლოეს სხდომაზე დამტკიცდება, ამ ეტაპზე კი, არსებული შეთანხმებით, სამონასტრო კომპლექსში გადაადგილება ჩვეულებრივი პრაქტიკით გაგრძელდება.

„მას შედეგ, რაც ეს პრობლემა დაიწყო, ბუნებრივია, მე დავალება მქონდა მიცემული ყველა უწყებისთვის და ისინი თავის კოლეგებთან ინტენსიურ კავშირზე იყვნენ. ბუნებრივია, ინტენსიური კომუნიკაცია მიმდინარეობდა საგარეო საქმეთა მინისტრებს შორის და იცით, რომ მოხდა შეთანხმება. შეთანხმების მიხედვით, ჩვენც და აზერბაიჯანული მხარეც შევქმნით კომისიას, ჩვენს შემთხვევაში ეს იქნება განახლებული კომისია, რომელსაც უახლოეს მთავრობის სხდომაზე დავამტკიცებთ. იქ შევა ყველა იმ უწყების წარმომადგენელი, რომელიც ჩართული უნდა იყოს ამ პროცესში და დავიწყებთ დელიმიტაციისა და დემარკაციის პროცესს. ბუნებრივია, ეს პროცესი საკმაოდ რთული და დროში ტევადია. აქვე, რა თქმა უნდა, ჩვენ შევთანხმდით, რომ მანამდე ვიდრე კონკრეტული გადაწყვეტილებები იქნება სამონასტრო კომპლექსის სხვადასხვა მიმართულებაზე, ჩვეულებრივი პრაქტიკით გაგრძელდება გადაადგილება. ჩვენ და აზერბაიჯანი მეგობარი ქვეყნები ვართ, სტრატეგიული პარტნიორები და დარწმუნებული ვარ, ეს საკითხი ისე გადაწყდება, როგორც შეეფერება ჩვენი ურთიერთობის სულისკვეთებას",-განაცხადა მამუკა ბახტაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს