საქართველოში „ევროპის დღეები 2019“ იწყება

5 მაისს, საქართველოში უკვე ტრადიციად ქცეული „ევროპის დღეები“ ოფიციალურად დაიწყება და მაისის ბოლომდე გაგრძელდება.

„საქართველოში უკვე მეშვიდედ აღინიშნება „ევროპის დღეები“, რომელსაც საინფორმაციო ცენტრის ნატო-სა და ევროკავშირის შესახებ ატარებს. წლევანდელი ევროპის დღეები, გამოირჩევა განსაკუთრებული მასშტაბურობით, რადგან საქართველოს რეგიონებში გვექნება ძალიან ინტენსიური დაფარვა, საინფორმაციო ცენტრის რეგიონული ქსელები გაფართოვდა, ამჟამად გვაქვს 10 რეგიონული წარმომადგენლობა. შესაბამისად, ღონისძიებების უმრავლესობა ჩატარდება სწორედ რეგიონებში. საინფორმაციო კამპანიის მიზანია მოსახლეობისთვის იმ სიკეთეების შესახებ ინფორმაციის მიტანა, რაც საქართველოს აქვს ევროინტეგრაციის პროცესში. წელს არის აღმოსავლეთ პარტნიორობის 10 წლისთავი, შესაბამისად, ჩვენი საინფორმაციო კამპანიაც გააკეთებს აქცენტს რომ სხვადასხვა ღონისძიებებით უფრო თვალსაჩინო გავხადოთ ის მიღწევები, რაც საქართველოს აქვს ამ 10 წლის განმავლობაში აღმოსავლეთ პარტნიორობის ფორმატში. ეს არის ასოცირების ხელშეკრულება, თავისუფალი სავაჭრო სივრცის შესახებ შეთანხმება უვიზო მიმოსვლა და ა.შ.“, - განაცხადა ნატო-სა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ.

მისივე ინფორმაციით, „ევროპის დღეების“ ფარგლებში წელს უკვე მეექვსედ მასწავლებლებისთვის გაიმართება სემინარი მასწავლებელი - მეგზური ევროპისკენ. სემინარს დაესწრება საქართველოს რეგიონებიდან და თბილისიდან 150 მასწავლებელი. გამოვლინდებიან წლის განმავლობაში განხორციელებული საუკეთესო პროექტების ავტორი პედაგოგები, რომლებსაც გადაეცემათ სპეციალური პრიზი.

აგრეთვე, „ევროპის დღეების“ ფარგლებში თბილისის მუნიციპალიტეტის საკრებულოში გაიმართება სემინარი: ევროპა - ისტორიული არჩევანი, რომელსაც, საქართველოს სხვადასხვა მუნიციპალიტეტის მერები და საკრებულოს თავმჯდომარეები (120 მონაწილე) დაესწრებიან.

„ევროპის დღეების“ ფარგლებში დაგეგმილ ღონისძიებებში მონაწილეობს: ფართო საზოგადოება, აღმასრულებელი ხელისუფლების, დიპლომატიური კორპუსისა და აკადემიური სფეროს წარმომადგენლები, მოწვეული ექსპერტები. გაიმართება მრავალი ღონისძიება როგორც თბილისში, ასევე, საქართველოს რეგიონებში, ჯამში 80-მდე ღონისძიება.

მიმდინარე წელს,“ ევროპის დღეები“ განსაკუთრებულად აღინიშნება საქართველოს რეგიონებში, სადაც ნატო-სა და ევროკავშირის შესახებ საინფორმაციო ცენტრისა და საგარეო საქმეთა სამინისტროს ინიციატივით გაიმართება არაერთი ღონისძიება ადგილობრივი მოსახლეობის ინფორმირებულობის ამაღლებისა და ჩართულობის მიზნით. კერძოდ, ქვეყნის 10 რეგიონში, მათ შორის, ეთნიკური უმცირესობებით დასახლებულ რეგიონებსა და საოკუპაციო ხაზის მიმდებარე სოფლებში, დაგეგმილია საინფორმაციო შეხვედრები აღმასრულებელი ხელისუფლების წარმომადგენლებისა და ექსპერტების მონაწილეობით, კონკურსები, სპორტული აქტივობები და გასართობი ღონისძიებები.

„ევროპის დღეები“ წლის ერთ-ერთი მნიშვნელოვანი პროექტია, რომლის ფარგლებშიც იმართება საქართველოსა და ევროკავშირის თანამშრომლობისა და ევროინტეგრაციის საკითხებზე მრავალი ღონისძიება. მზარდი ანტი-დასავლური პროპაგანდის ფონზე, მნიშვნელოვანია საზოგადოებასთან ინტენსიური დიალოგი და მოქალაქეების აღნიშნულ პროცესში აქტიური ჩართვა, რაც თავის მხრივ, საქართველოს ევროპული ინტეგრაციის მიმართ საზოგადოების მხარდაჭერის წინაპირობაა.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო