სოფელ ყანდაურაში 4 ადამიანის მკვლელობაში და ერთი ადამიანის დაჭრაში ბრალდებულის აღკვეთ ღონისძიებაზე სასამართლო დღეს, 12:00 საათზე იმსჯელებს. 85 წლის ომარ გამყრელიძის პროცესს თელავის რაიონული სასამართლო განიხილავს.

ამ დროისთვის ბრალდებული კახეთის სამხარეო პოლიცის წინასწარი დაკავების იზოლატორშია მოთავსებული. 4 ადამიანი მკვლელობაში და ერთი ადამიანის დაჭრაში ბრალდებული მამაკაცი პოლიციამ ცხელ კვალზე დააკავა.

გამყრელიძის წინააღმდეგ გამოძიება ორი მუხლით მიმდინარეობს. თავდაპირველად გამოძიება ოჯახური ძალადობის ნიადაგზე, დამამძიმებელ გარემოებებში ჩადენილი განზრახ მკვლელობის ფაქტზე, სისხლის სამართლის კოდექსის 11 პრიმა 109-ე მუხლის მე-2 და მე-3 ნაწილებით დაიწყო,თუმცა მოგვიანებით 236-ე მუხლი დაემატა, რაც გულისხმობს ცეცლსასროლი იარაღისაა და საბრძოლო მასალის შენახვა ტარებას.