შინაგან საქმეთა სამინისტროს კანტის აკადემიის 150 მოსწავლე და მასწავლებლები ეწვივნენ

შინაგან საქმეთა სამინისტროს კანტის აკადემიის 150 მოსწავლე და მასწავლებლები ეწვივნენ. სტუმრებს მართლწესრიგის ოფიცრებმა და სამინისტროს წარმომადგენლებმა უმასპინძლეს.

როგორც „ინტერპრესნიუსს“ შინაგან საქმეთა სამინისტროდან აცნობეს, მართლწესრიგის ოფიცრები ახალგაზრდებს მართლწესრიგისა და დანაშაულის პრევენციის შესახებ ესაუბრნენ. მათ მოსწავლეებს საკუთარი ფუნქცია-მოვალეობები გააცნეს და სამართალდამცველთა საქმიანობის შესახებ სტუმრების მიერ დასმულ შეკითხვებს ამომწურავად უპასუხეს.

მართლწესრიგის ოფიცრებმა მოსწავლეებს შინაგან საქმეთა სამინისტროს ახალი ინსტიტუტის - "მართლწესრიგის ოფიცრის" ლოგოს გამოსახულებიანი სიმბოლური საჩუქრები გადასცეს.

შეხვედრა გაიმართა პროექტის - „საზოგადოებასა და პოლიციას შორის ნდობის გამყარება“ ფარგლებში, რომელსაც საქართველოს სტრატეგიის და განვითარების ცენტრი (GCSD) ნიდერლანდების სამეფოს საელჩოს მხარდაჭერით ახორციელებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ