4 ადამიანის მკვლელობაში ბრალდებული აცხადებს, რომ დანაშაული სხვამ ჩაიდინა
არც მკვდარი მინახია, არც ცოცხალი მინახია ის, ვინც იყო, თავისი გააკეთა და წავიდა,-ამის შესახებ თელავის რაიონულ სასამართლოში სოფელ ყანდაურაში 4 ადამიანის მკვლელობაში ბრალდებულმა 85 წლის ომარ გამყრელიძემ განაცხადა.
მისი თქმით, ის არ უნდა გასამართლდეს იქამდე, სანამ მოწმეებს არ ნახავს.
„ის, ვინც უთხრა, რომ ავტომატი უჭირავს ხელში და კლავსო, ჯერ ერთი, ბიძაშვილია ჩემი. არც მკვდარი მინახია, არც ცოცხალი მინახია ის, ვინც იყო, თავისი გააკეთა და წავიდა. რაც გინდათ ჩამიწერეთ, თუ გინდათ წლები მომეცით . სანამ ეს მოწმეები არ მოვლენ და პირზე არ დამაგდებიან და ჩემი შვილიშვილის ნათქვამს არ იტყვიან, მე არსად არ გავმართლდები. მე დედაკაცი მიკვდებოდა ხელში და ვინ კვდებოდა და ვინ არა, ეგ მე სულ არ მაინტერესებდა“,-აცხადებს ბრალდებული.
85 წლის ომარ გამყრელიძე შვილის, რძლის და ორი ნათესავის მკვლელობაში და მეუღლის დაჭრაში არის ბრალდებული. გამყრელიძე ბრალს არ აღიარებს.
