ოქროყანაში, ეკლესიის მიმდებარე ტერიტორიაზე, მთაწმინდის რაიონის მაჟორიტარობის კანდიდატმა ლევან იოსელიანმადა მისი შტაბის ხელმძღვანელმა ალექსანდრე ელისაშვილმა,ადგილობრივ მოსახლეობასთან ერთად, მრავალსართულიანი კორპუსის მშენებლობა გააპროტესტეს.
"აქ 9 სართულიანი კორპუსის აშენებას აპირებენ, რაც მიღებულ სტანდარტში არ ჯდება და ამას თუ დავუშვებთ, მალე ოქროყანა თბილისის სხვა უბნების მსგავსად, ბეტონის ჯუნგლებად გადაიქცევა.ეს პრეცედენტი არ უნდა დავუშვათ და ჩვენ ყველაფერს გავაკეთებთ, რომ აქ დარჩეს სივრცე,სადაც ადამიანები თავისუფლად ისუნთქებენ", - განაცხადა მთაწმინდის რაიონის მაჟორიტარობის კანდიდატმა ლევან იოსელიანმა.