დავით გარეჯის სამონასტრო კომპლექსში აქცია დასრულდა

დავით გარეჯის სამონასტრო კომპლექსში აქციის მონაწილეთა უმეტესობა დაიშალა. სამოქალაქო აქტივისტები სამონასტრო კომპლექსის ტერიტორიაზე დღეს დილიდან იმყოფებოდნენ. მათ სიმბოლურად, სამონასტრო კომპლექსის სადავო ნაწილთან დამაკავშირებელ 3-კილომეტრიან საფეხმავლო ბილიკზე, ცოცხალი ჯაჭვი შემოავლეს.

აქციის მონაწილეთა განცხადებით, მათ სურდათ დაეფიქსირებინათ პოზიცია და ეჩვენებინათ საზოგადოებისთვის, მათ შორის, მეზობელი აზერბაიჯანისთვის, რომ ეს ტერიტორია არის ისტორიულად ქართული და რომ კეთილმეზობლური ურთიერთობების ფარგლებში არ შეიძლება გადაადგილების თავისუფლების შეზღუდვა.

აქციის მონაწილეებმა სამონასტრო კომპლექსიის ტერიტორიაზე საქართველოს ჰიმნი და რამდენიმე საგალობელი შეასრულეს.

აქციაში რამდენიმე ეპარქიის მრევლი, სამოქალაქო მოძრაობის წარმომადგენლები, სტუდენტები და საგარეჯოს მცხოვრებლები მონაწილეობდნენ.

აქციის მონაწილეები იმედოვნებენ, რომ ორ ქვეყანას შორის უახლოეს პერიოდში მოხდება საზღვრის დემარკაცია ისე, რომ არ შეილახება საქართველოს ტერიტორიული მთლიანობა და სუვერენიტეტი.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!