გიორგი შენგელია გამყოფ ხაზთან მცხოვრებ მოქალაქეებს შეხვდა

"ქართული ოცნება - დემოკრატიული საქართველოს“ ზუგდიდის მერობის კანდიდატმა გიორგი შენგელიამ, საპარლამენტო უმრავლესობის ლიდერ არჩილ თალაკვაძესთან და მაჟორიტარ დეპუტატ ედიშერ თოლორაიასთან ერთად გამყოფ ხაზთან მდებარე სოფელ კოკსა და ხურჩაში შეხვედრები გამართა. აღნიშნული შესახებ ინფორმაციას, პარტია „ქართული ოცნების’ პრესსამსახური ავრცელებს.

„თქვენ ძალიან ბევრი გადაიტანეთ და ყოველდღიური საფრთხის ქვეშ გიწევთ ცხოვრება, აქ ყველაზე მძაფრად იგრძნობა ოკუპაციის სიმძიმე. ჩვენი ხელისუფლებისთვის გამყოფ ხაზთან მდებარე სოფლების ხელშეწყობა მნიშვნელოვანია, ამიტომაც ჩვენს მუნიციპალიტეტში მდებარე ასეთ სოფლებში გზების, წყლის და გაზიფიცირების პროექტები განვახორციელეთ, თუმცა სამუშაო ჯერ კიდევ ბევრი გავქვს. ხურჩაში მიმდინარე წელს ახალი ამბულატორია აშენდება და აქ მცხოვრებლებს ეს პრობლემა მოუგვარდებათ. მჯერა, რომ თქვენი გვერდში დგომით მნიშვნელოვან, ჩვენი მუნიციპალიტეტისთვის სასიკეთო ცვლილებებს განვახორციელებ” - განაცხადა ზუგდიდის მერობის კანდიდატმა.

არჩილ თალაკვაძემ შეხვედრაზე მოსახლეობას გიორგი შენგელიას მხარდაჭერისკენ მოუწოდა. მისი განმარტებით, შენგელიას პროგრამაში შესულია არამარტო ინფრასტრუქტურული პროექტები, არამედ განათლების, სოფლის მეურნეობის, კულტურის, სპორტის საკითხები და სოციალური მიმართულებები.

,,გიორგი შენგელია არის დაკავშირებული ზუგდიდთან ეს არის აქაური დიდი ოჯახის წარმომადგენელი და მისის სამომავლო გეგმები და ცხოვრება უკავშირდება ზუგდიდს და ეს არის სწორედ ის, რაც მას გამოარჩევს თავის კონკურენტისგან. მათი გეგმა არის საერთო პოლიტიკური დესტაბილიზაციის ნაწილი და ზუგდიდი სწორედ ერთ-ერთი პუნქტია, რომლის გამოყენებაც მათ სურთ არჩევნების შემდეგ. გეგა შენგელიასთვისკი ზუგდიდი არის მომავალი, ზუგდიდი არის ადგილი, სადაც ის თავის ოჯახთან, თავის ახლობლებთან და მეგობრებთან ერთად ცხოვრობს და მომავალშიც ის ამ ქალაქში დარჩება და განაგრძობს საქმიანობას. ჩვენ გვაქვს ძალიან ამბიციური გეგმები ზუგდიდის მუნიციპალიტეტში, ძალიან დიდი და მნიშვნელოვანი პროექტები დაწყებულია და ნაწილიც უახლოეს მომავალში დაიწყება. ზუგდიდს ექნება საკმარისი დაფინანსება იმისათვის, რომ თითოეულ ადამიანამდე მიაღწიოს ამ პროგრესმა. თუმცა, რჩება ბევრი ადამიანი ვინც, ქმედით დახმარებას ელოდება ხელისუფლების მხრიდან და სწორედ, გეგა ეშენგელიას მიზანი იქნება, ის რომ ამ ადამიანებს მიაკითხოს და დაეხმაროს იმ პრობლემების გადაჭრაში, რომელიც მათ აწუხებთ” - განაცხადა უმრავლესობის ლიდერმა არჩილ თალაკვაძემ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან