საქართველოს პარლამენტის თავმჯდომარე ირაკლი კობახიძე მუსლიმ მოსახლეობას რამადანის დაწყებას ულოცავს და მათ მშვიდობას, კეთილდღეობასა და დღეგრძელობას უსურვებს.
„ჩვენს მუსლიმ თანამოძმეებს ვულოცავ წმინდა რამადანის თვის დაწყებას!
ჩვენ საერთო სამშობლო, ისტორია, სიხარული და მიზნები გვაერთიანებს. თქვენ ხართ უმნიშვნელოვანესი და განუყოფელი ნაწილი ჩვენი ქვეყნისა და გამორჩეულ როლს ასრულებთ საქართველოს განვითარებაში.
მწამს, რომ ჩვენ ერთად შევძლებთ საქართველოს გაძლიერებას და ჩვენი ქვეყნისთვის ღირსეული მომავლის შექმნას.
საქართველოს პარლამენტის სახელით, კიდევ ერთხელ გილოცავთ რამადანის დაწყებას. მშვიდობას, კეთილდღეობასა და დღეგრძელობას გისურვებთ,“ - ნათქვამია ირაკლი კობახიძის განცხადებაში, რომელსაც პარლამენტის პრესსამსახური ავრცელებს.