ვენესუელას ოპოზიციის ლიდერი ხუან გუაიდო ვენესუელაში აშშ-ს სამხედრო ინტერვენციის ვარიანტსაც განიხილავს. ამის შესახებ „ბიბისი“ იტყობინება. გუაიდოს განცხადებით, იგი პრეზიდენტ ნიკოლას მადუროს გადაყენებისთვის ყველა ვარიანტს განიხილავს.

„ვფიქრობ, პრეზიდენტ ტრამპის პოზიცია ძალიან მყარია, რასაც ჩვენ ვაფასებთ, როგორც ამას მთელი მსოფლიო აკეთებს. მე, როგორც პარლამენტის პრეზიდენტი, ყველა ვარიანტს განვიხილავ თუ ეს აუცილებელი იქნება“, - განაცხადა გუაიდომ აშშ-ის შესაძლო ინტერვენციის შესახებ დასმული კითხვის საპასუხოდ.

შეგახსენებთ, რომ გასულ კვირას გუაიდომ მოუწოდა სამხედროებსა და მოსახლეობას მადუროს წინააღმდეგ მასობრივი გამოსვლებისკენ, რაც ე.წ.პრეზიდენტმა ნიკოლას მადურომ სამხედრო გადატრიალების მცდელობად შეაფასა.

იხილეთ ვიდეო: ხუან გუაიდო აცხადებს, რომ იგი მოიაზრებს აშშ-ს სთხოვოს ვენესუელაში სამხედრო ინტერვენციის დაწყება