პარლამენტის დარგობრივი ეკონომიკის კომიტეტის სხდომაზე გიორგი ქობულიას მოწვევის და მოსმენის საკითხზე დისკუსია გაიმართა

პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე, ეკონომიკის ყოფილი მინისტრის გიორგი ქობულიას მოწვევისა და მოსმენის საკითხზე დისკუსია გაიმართა.

კომიტეტისგან ქობულიას მოსმენის უზრუნველყოფა ფრაქცია „ნაციონალური მოძრაობის“ თავმჯდომარემ რომან გოცირიძემ მოითხოვა.

როგორც გოცირიძემ განაცხადა, კომიტეტმა უნდა განიხილოს, როგორც ქობულიას მუშაობის შედეგები, ასევე მისი გათავისუფლების მიზეზი.

აღნიშნულ საკითხზე კომიტეტის თავმჯდომარემ რომან კაკულიამ დადებითი პოზიცია გამოხატა და მზაობა გამოთქვა ქობულიას კომიტეტში მოწვევაზე კომიტეტის წევრებთან იმსჯელოს.

„თუ ადამიანს აქვს სურვილი და არის იმ განწყობაზე, რომ გარკვეულ სიახლეებზე და ახალ გარემოებებზე ჟურნალისტებთან, კამერის წინ ისაუბროს, შეუძლია მოვიდეს და ისაუბროს კომიტეტში. ამაზე თვალის დახუჭვის საჭიროებას მე ვერ ვხედავ, რადგან ის თავის სათქმელს მაინც იტყვის“, - განაცხადა კომიტეტის სხდომაზე რომან კაკულიამ.

გიორგი ქობულიას მოსმენის ინიციატივაზე უარყოფითი პოზიცია გამოხატა უმრავლესობის წევრმა რევაზ არველაძემ. როგორც მან დისკუსიისას აღნიშნა, ქობულიას მოწვევაზე მისი პოზიცია უარყოფითია, რადგან „ნაწყენი კაცის პოზიცია ინტერვიუებიდან ბევრჯერ მოუსმენია“.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ