კომიტეტში გიორგი ქობულიას მოსმენა ცუდ იდეად არ მეჩვენება, - ამის შესახებ ჟურნალისტებს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავჯდომარემ, რომან კაკულიამ განუცხადა.

კაკულიას თქმით, ის ეკონომიკის ყოფილი მინისტრის, ქობულიას მოწვევის საკითხზე კომიტეტის წევრებთან იმსჯელებს.

„გიორგი ქობულიამ საკუთარი ხედვები პარლამენტში წარმოადგინა და მიმაჩნია, რომ ის ამ ხედვებს მიზანმიმართულად მიჰყვებოდა. თუკი გიორგი ქობულია დამატებითი ინფორმაციების გაჟღერებას დააპირებს, ამაში ცუდი არაფერია. თუკი ქობულიას სურს ისეთი რამ თქვას, რაც მისი აზრით გათავისუფლებაში გადამწყვეტი იყო, ეს მისი უფლებაა“, - განუცხადა ჟურნალისტებს რომან კაკულიამ.