საქართველოს მუსლიმთა სამმართველოს შეიხი - აუცილებელია, შედგეს ორმხრივი კომისია, რომელიც დავით-გარეჯის საკითხს ისე დაადგენს, რომ ორივე მხარე კმაყოფილი დარჩეს

საქართველოში მცხოვრებ აზერბაიჯანელებს რაც გვაწუხებს, არის ის, რომ ზოგიერთი ყოფილი პოლიტიკოსი თუ სასულიერო პირი, ემოციურ ფონზე დაუფიქრებელ განცხადებებს აკეთებს, რაც ორ ერს შორის ურთიერთობას აზიანებს, - ამის შესახებ სრულიად საქართველოს მუსლიმთა სამმართველოს შეიხმა რამინ იდიგოვმა დავით-გარეჯის ირგვლივ განვითარებულ მოვლენებზე საუბრისას განაცხადა.

მისი თქმით, აუცილებელია, შედგეს ორმხრივი კომისია, რომელიც დავით-გარეჯის საკითხს ისე დაადგენს, რომ ორივე მხარე კმაყოფილი დარჩეს. ამასთანავე, საქართველოს მუსლიმთა შეიხი ემოციურ ფონზე დაუფიქრებელი განცხადებების გაკეთებისგან ყველას თავის შეკავებისკენ მოუწოდებს.

„დავით-გარეჯის სამონასტრო კომპლექსის ნაწილი აზერბაიჯანის, ნაწილი საქართველოს ტერიტორიაზეა. აღნიშნული საბჭოთა კავშირის პერიოდიდან ორ ქვეყანას შორის სადავო საკითხია, რომელიც დღემდე გრძელდება. ჩემი აზრით, აუცილებელია შედგეს ორმხრივი კომისია, რომელიც დაადგენს საკითხს და შესაბამისად, დელიმიტაციითა და დემარკაციის პროცესში ისეთი პოზიცია დაფიქსირდება, რომლითაც ორივე მხარე კმაყოფილი იქნება.

ჩვენი ქვეყნები მეგობრული ქვეყნებია. შესაბამისად, მსგავსი განცხადებებისგან ყველა თავს უნდა იკავებდეს, რადგან ჩვენ ვფიქრობთ, რომ საქართველოს ხელისუფლების, სახელმწიფოს პოზიცია სულ სხვაა.

საქართველო და აზერბაიჯანი სტრატეგიული მოკავშირე ქვეყნები არიან. ორივე ქვეყნის ტერიტორიის 20% ოკუპირებულია. ამის ფონზე ისეთი პრობლემები წარმოჩინდება, რომლებიც ამ ორ ქვეყანას, სტრატეგიულ მოკავშირეს ერთმანეთის წინააღმდეგ აყენებს. ამიტომაც, ისეთი გადაწყვეტილება უნდა იყოს მიღებული, რომ არც ერთი ქვეყნის ინტერესი დაზიანდეს და მოსახლეობის ინტერესები არ შეიბღალოს. არც ერთი მხარე არ უნდა დარჩეს უკმაყოფილო“, - განაცხადა შეიხმა რამინ იდიგოვმა.

მისივე აზრით, დავით-გარეჯთან დაკავშირებით განვითარებული მოვლენები ეს არის მესამე ძალის ჩარევის შედეგი, „რათა გადაფაროს ის ძირითადი პრობლემა, რაც ორ ქვეყანას აქვს და უფრო მეტიც, ეს ორი ქვეყანა ერთმანეთის წინააღმდეგობაში მოიყვანოს“.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე