ანა დოლიძე - გიორგი ქობულია ბოლო დროს არის პირველი შემთხვევა, როდესაც ადამიანი წავიდა მაღალი თანამდებობიდან და საუბარი დაიწყო იმ მიზეზებზე, რის გამოც მოუწია წასვლა

ეკონომიკის ყოფილმა მინისტრმა გიორგი ქობულიამ უნდა დაამკვიდროს, რომ არ შეიძლება ადამიანებთან მოქცევა ისე, ადგე, საღეჭი რეზინივით დაღეჭო და გადააგდო, მერე საერთოდ არ მოიხსენიო - მისი პოზიცია მნიშვნელოვანია და ყურადღებით უნდა მოვუსმინოთ, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტებს განუცხადა, როდესაც ეკონომიკის მინისტრის პოსტიდან გიორგი ქობულიას წასვლის საკითხს გამოეხმაურა.

დოლიძის თქმით, დასაფასებელია ქობულიას პოზიცია, როდესაც თანამდებობიდან წასვლის შემდეგ არ გაჩუმდა და ხმამაღლა ისაუბრა.

მისი თქმით, არსებობენ მაღალი თანამდებობის პირები, რომლებიც პოსტიდან წასვლის შემდეგ საერთოდ არ ჩანან.

„ჩვენ თუ გავიხსენებთ უახლეს პოლიტიკურ ისტორიას საქართველოში, დავინახავთ, რომ მაღალი პოლიტიკური თანამდებობის პირები და არა მხოლოდ, მათ შორის, ნინო გვენეტაძე მიდიან თანამდებობიდან და ქრებიან. გიორგი ქობულია ბოლო დროს არის პირველი შემთხვევა, როდესაც ადამიანი წავიდა მაღალი თანამდებობიდან და არ გაქრა. თავის თავზე აიღო გამბედაობა, საუბარი დაიწყო იმ მიზეზებზე, რის გამოც მას თანამდებობიდან წასვლა მოუწია”, - განაცხადა დოლიძემ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს