ლევან კობერიძე - ალბათ, ქობულიას არ აუხსნეს, რომ საპარლამენტო რესპუბლიკაში ინიშნებოდა მინისტრად - გაუგებარია, სად იყო მისული ქობულია და ვისთან ლაპარაკობდა, თუ არა პარლამენტში

ალბათ, გიორგი ქობულიას არ აუხსნეს, რომ საპარლამენტო რესპუბლიკაში ინიშნებოდა მინისტრად. ჩემთვის გაუგებარია, სად დადიან ეს მინისტრები, ანუ სად იყო მისული ქობულია და ვისთან ლაპარაკობდა, თუ არა პარლამენტში, - ამის შესახებ საპარლამენტო უმრავლესობის ყოფილმა წევრმა ლევან კობერიძემ ჟურნალისტებს განუცხადა. ამით კობერიძე გამოეხმაურა გიორგი ქობულიას იმ განცხადებას, სადაც ის აღნიშნავს, რომ ბიძინა ივანიშვილთან და მამუკა ბახტაძესთან ხედვების შეჯერებას ცდილობდა.

ლევან კობერიძე ეკონომიკის ყოფილი მინისტრის გიორგი ქობულიას საკომიტეტო მოსმენაზე მისვლის აუცილებლობაზე საუბრობს და აღნიშნავს, რომ მას ჯერ კიდევ აქვს საზოგადოების მიმართ პასუხისმგებლობა.

„ვთვლი, რომ აუცილებლად უნდა მოვუსმინოთ გიორგი ქობულიას. ადამიანი იყო მინისტრი, რომელიც თავის დროზე ამბობდა, რომ 4.5%- იანი ზრდა ამ მოცემულობაში არის მაქსიმუმი. თანამდებობიდან წასვლის შემდეგ კი ამბობს, რომ 9% -იანი ზრდა არის შესაძლებელი. ეს არ არის მარტო პროცენტები, ეს არის ადამიანების დასაქმება სამუშაო ადგილებზე და ჩვენი კეთილდღეობა, რასაც რეალურად ელის საზოგადოება ამ ხელისუფლებისაგან. თუკი მინისტრი ასეთ განცხადებას აკეთებს, მას წასვლის შემდეგაც უნარჩუნდება საზოგადოების მიმართ პასუხისმგებლობა. მან აუცილებლად ღიად უნდა ისაუბროს იმ ბარიერებზე, რომელთა არარსებობის შემთხვევაში, მისი თქმით, ეს 9%-იანი ზრდა მიღწევადია.

მინდა გამოვეხმაურო ინტერვიუს იმ ნაწილს, სადაც ის ამბობს, რომ პარტიის თავმჯდომარესთან და პრემიერ-მინისტრთან ცდილობდა თავის ხედვების შეჯერებას. მისი, როგორც აღმასრულებელი ხელისუფლების წევრის ეს ნაწილი გასაგებია, მაგრამ მემგონი კარგად არ აუხსნეს, რომ საპარლამენტო რესპუბლიკაში ინიშნებოდა მინისტრად და ეტყობა უთხრეს, რომ პარლამენტი ცუდი ადგილია, ცუდი ბიჭები არიან იქო, თორემ პარლამენტი და შესაბამისი კომიტეტებია ის ადგილი, სადაც ხდება დარგების მიხედვით პოლიტიკის შემუშავება. ჩემთვის გაუგებარია, სად დადიან ეს მინისტრები, ანუ სად იყო მისული და ვისთან ლაპარაკობდა, თუ არა პარლამენტში," - განაცხადა ლევან კობერიძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო