პოლიტიკური გაერთიანება „ქართული ოცნება - დემოკრატიული საქართველოს“ პოლიტიკური მდივანი ირაკლი ღარიბაშვილი, საერთაშორისო რესპუბლიკური ინსტიტუტის (IRI) საქართველოს მისიის დირექტორს ჯონ დიპიროს და ამავე ინსტიტუტის პროგრამის ხელმძღვანელის მოადგილეს ლადო რაზმაძეს შეხვდა.
როგორც „ქართული ოცნების“ მიერ გავრცელებულ განცხადებაშია აღნიშნული, შეხვედრისას, პოლიტიკურ პარტიასა და საერთაშორისო ორგანიზაციას შორის ურთიერთობებზე და სამომავლო თანამშრომლობის გეგმებზე ისაუბრეს.