ისრაელის ელჩი შაბთაი ცური ისრაელში მიმდინარე მოვლენებთან დაკავშირებით განცხადებას ავრცელებს

ისრაელის საგანგებო და სრულუფლებიანი ელჩი შაბთაი ცური ისრაელში მიმდინარე მოვლენებთან დაკავშირებით განცხადებას ავრცელებს.

განცხადებაში შაბთაი ცური ქვეყანაში ბოლო 2 დღის განმავლობაში განვითარებულ მოვლენებს მიმოიხილავს და განმარტავს, რომ განადგურებულია ტერორისტული ორგანიზაციების ათობით სამიზნე, მათ შორის, ისლამური ჯიჰადის საიდუმლო გვირაბი, ჭურვმტყორცნები და ტერორისტული საწვრთნელი ბაზები, ასევე მოკლულია შვიდი ტერორისტი.

„4-5 მაისს პალესტინის ტერორისტულმა ორგანიზაციებმა ღაზას სექტორიდან სამხრეთ ისრაელის მშვიდობიანი ქალაქებისა და სოფლების მიმართულებით 700-მდე ჭურვი გამოისროლეს, რის შედეგადაც დაშავდნენ ადამიანები, დაიღუპა ისრაელის ოთხი უდანაშაულო მოქალაქე, დაზიანდა საცხოვრებელი სახლები, დაჭრილები არიან ისრაელელი ჯარისკაცები, რომლებიც ღაზას საზღვართან მოსახლეობის უსაფრთხოებას იცავენ.

ისრაელის თავდაცვის ძალებმა საპასუხო ცეცხლი გაუხსნეს ისლამური ჯიჰადისა და ჰამასის ტერორისტული ორგანიზაციების საცეცხლე წერტილებს, შედეგად, განადგურებულია ათობით სამიზნე, მათ შორის, ისლამური ჯიჰადის საიდუმლო გვირაბი, ჭურვმტყორცნები და ტერორისტული საწვრთნელი ბაზები. მოკლულია შვიდი ტერორისტი.

ჰამასისა და ისლამური ჯიჰადის ტერორისტული ორგანიზაციები ომის ორმაგ დანაშაულს ჩადიან - ისინი მიზანში იღებენ ისრაელის უდანაშაულო მოსახლეობას და საცეცხლე წერტილებს მჭიდროდ დასახლებულ ადგილებში ირჩევენ, რათა საკუთარი თანამოქალაქეები ცოცხალ ფარებად გამოიყენონ.

ამ დღეებში „რკინის გუმბათის“ საჰაერო-თავდაცვითი სისტემა რამოდენიმეჯერ ამუშავდა და ღაზას სექტორის მახლობლად არსებული ისრაელის სოფლები ჭურვებისგან დაიცვა. ისრაელი მომავალშიც ძალებს არ დაიშურებს საკუთარი მოსახლების დასაცავად“, - ნათქვამია ელჩის განცხადებაში.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო