ლადო კახაძე - ადამიანებს აქვთ რწმენა, რომ ეშველება თბილისის იმ პრობლემას, რომელიც ამორტიზებულ შენობა-ნაგებობებს ეხება

მთაწმინდის რაიონის მაჟორიტარი დეპუტატობის კანდიდატი ლადო კახაძე ძველი, ამორტიზებული შენობა-ნაგებობების აღდგენის აუცილებლობაზე საუბრობს. ლადო კახაძის მიერ გაკეთებულ განცხადებას, „ქართული ოცების“ პრესსამსახური ავრცელებს.

„ეს ურთულესი გამოწვევაა, ვიცი რომ ამ კუთხით ნაფიქრია, შესანიშნავად განხორციელებული პროექტებიც უკვე თვალსაჩინოა. ადამიანებს აქვთ რწმენა, რომ ეშველება თბილისის იმ პრობლემას, რომელიც ამორტიზებულ შენობა-ნაგებობებს ეხება და განსაკუთრებით ეს თავმოყრილია ძველ თბილისში, განსაკუთრებით მთაწმინდაზე“ ,- განაცხადა ლადო კახაძემ მთაწმინდის რაიონის მოსახლეობასთან შეხვედრაზე.

მისი თქმით, არის კიდევ ურთულესი თემა - კულტურული მემკვიდრეობის საკითხი.

„აქ არის ძალიან რთული გამოწვევები. ამ სტატუსის მისანიჭებლად აუცილებელია მისი სწორი აღქმა და რევიზია , რათა უუფლებო მესაკუთრენი, გახდნენ ღირსეული მესაკუთრენი და კაპიტალურ შენობაში მათ ჰქონდეთ დაკანონებული ის უფლება, რომ შემდგომ ქალაქგანვითარებითი პროექტების შესრულების დროს, ისინი თანაბრად ლაპარაკობდნენ იმ ჩვენთვის საშველ ძალასთან, რომელსაც ინვესტიცია ჰქვია, ინვესტორები ჰქვია“, - განაცხადა ლადო კახაძემ.

ლადო კახაძემ მადლობა გადაუხადა მხარდაჭრისთვის დედაქალაქის მერს კახა კალაძეს, რომელსაც, მისი თქმით, ბევრი საქმე აქვს გაკეთებული და საკრებულოს თავმჯდომარე გიორგი ტყემალაძეს.

„ჩემი ოფისის კარი 24 საათის განმავლობაში ღიაა თქვენთვის და ნებისმიერ დროს, თითოეულ თქვენგანს შეგეძლებათ როგორც საკუთარ ოჯახში მოხვიდეთ და დაგროვილი პრობლემების შესახებ ვისაუბროთ, რომლის მოწესრიგებაც დაწყებულია და სადაც შეიძლება ამ პრობლემების მოგვარების, თქვენი ადგილისა და როლის დანახვა - ჩემთან და ჩვენთან ერთად“, - განაცხადა ლადო კახაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ