რომან კაკულია „360 გრადუსის“ წამყვანს -  თქვენს ეთერში გაკეთებული განცხადების შემდეგ შავ დღეში ვარ, მაგრამ შემოდგომით მმართველი გუნდისთვის შეცდომების გაანალიზება აუცილებელია

საპარლამენტო უმრავლესობის წევრის, რომან კაკულიას განცხადებით, შემოდგომაზე, „ქართული ოცნების“ მიერ ყველა შეცდომის გაანალიზება თუ არ მოხდა, ისინი ამომრჩევლის წინაშე ვერ წარდგებიან ისეთი განახლებული გუნდით, რომელსაც შეეძლება, მომავალში დიდი მხარდაჭერით მართოს ქვეყანა. მისი თქმით, შეცდომების გაანალიზება აუცილებელია.

„მგონია, რომ ამას ყველაფერს კარაგად გავიაზიარებთ და ნელ-ნელა მივალთ იქამდე, რასაც საპარლამენტო რესპუბლიკა ჰქვია. როდესაც თქვენთან ვსაუბრობდი სამომავლო გეგმებზე და ასე შემდეგ, პირველ რიგში, ჩემი მიზანი სწორედ ის გახლავთ, რომ „შემოდგომა, შემოდგომა“, თქვენს ეთერში გაჟღერდა და თქვენთან გაჟღერებული ინფორმაციის მერე შავ დღეში ვარ, მაგრამ თემა ის არის, რომ შემოდგომით, ყველა შეცდომის გაანალიზება თუ არ მოხდა, ჩვენ ვერ წავრდგებით ისე ამომრჩევლის წინაშე, რომ რეალურად შევთავაზოთ მას განახლებული გუნდი, რომელსაც პრეტენზია ექნება, რომ მომავალში, დიდი მხარდაჭერით მართოს ქვეყანა“, - განაცხადა კაკულიამ „პალიტრანიუსის“ გადაცემაში „360 გრადუსში“.

წამყვანის კითხვაზე, ვისი მხრიდან იყო კაკულია „შავ დღეში“, დეპუტატმა უპასუხა: „მოვა დრო და დაზუსტდება“.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა