თურქეთის საარჩევნო კომისიამ სტამბოლში თვითმმართველობის არჩევნების ხელახლა ჩატარების განკარგულება გამოსცა. არჩევნები 23 ივნისს გაიმართება. ხელახალი არჩევნების მიზეზი სტამბოლის თვითმმართველობის არჩევნებში ოპოზიციის კანდიდატის, ექრემ იმამოღლუს გამარჯვება გახდა, აღნიშნულის გამო პრეზიდენტ რეჯეფ თაიფ ერდოღანის პარტიამ არჩევნების შედეგები ეჭვის ქვეშ დააყენა და მისი ხელახალი ჩატარება მოითხოვა.

მმართველ პარტიაში განაცხადეს, რომ განმეორებითი არჩევნების საჭიროება იმიტომ გაჩნდა, რომ საარჩევნო უბნებში მომუშავე ადამიანები საჯარო მოხელეები არ იყვნენ და ცალკეული ოქმები არ იყო ხელმოწერილი.

ოპოზიციის ლიდერის ონურსალ ადიგუზელის თქმით, კი ხელახალი არჩევნების ჩატარების შესახებ გადაწყვეტილება დიქტატურის ნიშანია.

„სისტემა, რომელიც უარყოფს მოქალაქეების სურვილს და კანონს, არც დემოკრატიულია და არც ლეგიტიმური“, - განაცხადა ადიგუზელმა.