დავით ქაცარავა - დავით გარეჯის ტერიტორიაზე ჩვენი ჯგუფის 5 წევრი პატრულირებს, აქ იქამდე დავრჩებით, ვიდრე საჭიროება იქნება

დავით გარეჯის ტერიტორიაზე ანტისაოკუპაციო მოძრაობა „ძალა ერთობაშია“ პატრულირებას განაგრძობს. მოძრაობის ერთ-ერთი დამფუძნებლის დავით ქაცარავას თქმით, ტერიტორიაზე ამ დროისთვის სიმშვიდეა.

„ჩვენ პატრულირება დავიწყეთ. აღდგომის ტაძართან ვითარება ჯერჯერობით უცვლელია. აბსოლუტურად მშვიდობიანი მონიტორინგი გვაქვს, ვმოძრაობთ ტურისტულ მარშრუტებზე, არსად გადავდივართ და ჩვენთვის მნიშვნელოვანია იმ სიტუაციის გაკონტროლება, რომელმაც გამოიწვია ასეთი ვნებათაღელვა საზოგადოებაში. ჩვენ აქ ვართ იმისთვის, რომ საზოგადოებას დროული ინფორმაცია მივაწოდოთ“,- აცხადებს დავით ქაცარავა.

მისივე თქმით, დავით გარეჯის ტერიტორიაზე ამ დროისთვის ჯგუფის ხუთი წევრი პატრულირებს და მონიტორინგს მთელი დღის განმავლობაში გააგრძელებენ.

„ჩვენ აქ დავრჩებით იქამდე, ვიდრე ინტერესი და საჭიროება იქნება. ვადას წინასწარ ვერ განვსაზღვრავთ. საზოგადოების მაღალ ინტერესს ვხედავთ და იმას, რომ აუცილებელია საზოგადოების ინფორმირება“, - აცხადებს ქაცარავა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება