ევროკავშირი თურქეთის ხელისუფლებას სტამბოლის მერის არჩევნების შედეგების გაუქმებასთან დაკავშირებით განმარტებას სთხოვს

ევროკავშირი თურქეთის ხელისუფლებას სტამბოლის მერის არჩევნების შედეგების გაუქმებასთან დაკავშირებით განმარტებას სთხოვს. აღნიშნული განცხადება საგარეო პოლიტიკისა და უსაფრთხოების საკითხებში ევროკავშირის უმაღლესმა კომისარმა ფედერიკა მოგერინიმ გააკეთა.

მოგერინი აცხადებს, რომ ხელისუფლების მიერ მიღებული გადაწყვეტილება უკიდურესად პოლიტიზირებული იყო. როგორც მან აღნიშნა, სამართლიანი, თავისუფალი და გამჭვირვალე არჩევნები აუცილებელია ნებისმიერი დემოკრატიული ქვეყნისათვის. მან ასევე ისაუბრა განმეორებითი არჩევნების დროს საერთაშორისო დამკვირვებლების ჩართლობის აუცილებლობაზე.

შეგახსენებთ, რომ თურქეთის საარჩევნო კომისიამ სტამბოლში თვითმმართველობის არჩევნების ხელახლა ჩატარების განკარგულება გამოსცა. არჩევნები 23 ივნისს გაიმართება. ხელახალი არჩევნების მიზეზი სტამბოლის თვითმმართველობის არჩევნებში ოპოზიციის კანდიდატის, ექრემ იმამოღლუს გამარჯვება გახდა, აღნიშნულის გამო პრეზიდენტ რეჯეფ თაიფ ერდოღანის პარტიამ არჩევნების შედეგები ეჭვქვეშ დააყენა და მისი ხელახალი ჩატარება მოითხოვა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი