ავსტრალიის პრემიერ-მინისტრს წინასაარჩევნო კამპანიის დროს კვერცხი ესროლეს
ავსტრალიის პრემიერ-მინისტრს სკოტ მორისონს წინასაარჩევნო კამპანიის დროს კვერცხი ესროლეს. შემთხვევა მორისონის სიტყვით გამოსვლისას მოხდა.
ადგილობრივი მედიის ცნობით, ერთი კვერცხი მას თავში მოხვდა.
აღსანიშნავია, რომ მას კვერცხი 25 წლის ქალმა ესროლა, რომელიც როგორც ირკვევა ლტოლვილების მიმართ ქვეყნის ხელისუფლების პოლიტიკის წინააღმდეგია და პროტესტი ამ გზით გამოხატა. მოგვიანებით სკოტ მორისონმა მომხდართან დაკავშირებით „ტვიტერის“ საკუთარ გვერდზე დაწერა და უსაფრთხოების თანამშრომლები სწრაფი რეაგირების გამო შეაქო. შეგახსენებთ, რომ ავსტრალიაში საპარლამენტო არჩევნები 18 მაისს გაიმართება.
იხილეთ ვიდეო: ავსტრალიის პრემიერ-მინისტრს წინასაარჩევნო კამპანიის დროს კვერცხი ესროლეს
