ეს არის სცენარი „რუსთავი 2“-ის მხრიდან, რომ წარმოაჩინოს, თითქოს რაღაც შეტევას აქვს ადგილი, - ამის შესახებ ჟურნალისტებს ვიცე-პრემიერმა, მაია ცქიტიშვილმა ტელეკომპანია „რუსთავი 2“-ის გარშემო შექმნილ ვითარებაზე საუბრისას განუცხადა.
მისივე თქმით, აღნიშნულ ტელეკომპანიას სიტყვის თავისუფლება არ შეზღუდვია.
„რუსთავი 2“ არაერთხელ აანონსებს რაღაც შეტევებს, თუმცა შეუზღუდავი საშუალება აქვს გამოხატოს საკუთარი აზრი, მიუხედავად იმისა, რომ მათ მიერ აზრის გამოხატვა სცდება ყოველგვარ ეთიკურ, რეალურ და მორალურ ფორმებს, მათ შორის ლანძღვა -გინება პირდაპირი ეთერის საშუალებით. აქედან გამომდინარე, ყველანი ვრწმუნდებით, რომ „რუსთავი 2“-ზე არანაირი შეტევა არ მიმდინარეობს და ეს არის კვლავ მორიგი მცდელობა შეცდომაში შეიყვანოს, როგორც ჩვენი მოქალაქეები, ასევე საერთაშორისო საზოგადოება", - განაცხადა ცქიტიშვილმა.