თბილისის საბავშვო ბაგა-ბაღების მართვის სააგენტოს ხელმძღვანელის კახაბერ გვანცელაძის განცხადებით, დედაქალაქში სულ 180 სახელმწიფო ბაღია, რაც წინა წლის მაჩვენებლებს აღემატება. მისივე თქმით, აღნიშნული მაჩვენებელი წლის ბოლოს კიდევ გაიზრდება.

„წელს 180 ბაღი გვაქვს, 11 ბაღით მეტი, ვიდრე წინა წელს, თუმცა უკვე სექტემბერ-ოქტომბერში კიდევ დაემატება 5 ბაღი და 185 ბაღი გვექნება. ძირითადად დატვირთვა არის ვაკე-საბურთალოს და ჩუღურეთის რაიონში", - აღნიშნა კახაბერ გვანცელაძემ.

ამასთან, მისივე თქმით, საკრებულოს ინიციატივით, ბაღებში საყოველთაო რეგისტრაციის დროს პრიორიტეტი მარტოხელა მშობლებს მიენიჭათ.

„ისინი პირველი რეგისტრაციის ფაზაში ჩასხდებიან და მიეცემათ პრიორიტეტი რეგისტრაციისას. ანუ საყოველთაო რეგისტრაცია, როცა დაიწყება ბაღებში, მათ პრიორიტეტი მიენიჭებათ,"- განაცხადა კახაბერ გვანცელაძემ.