მაღალმთიან აჭარაში ინგლისური ენის კურსის მესამე ეტაპი დაიწყო

სერვისის გაუმჯობესების მიზნით, აჭარის ტურიზმის დეპარტამენტმა ინგლისური ენის კურსის მორიგი ეტაპი დაიწყო. ტურიზმის განვითარების სკოლის ფარგლებში საკომუნიკაციო ინგლისურს კურორტ „გოდერძისა“ და დანისპარაულის ტურისტული ობიექტების მეპატრონეები ერთი თვის განმავლობაში შეისწავლიან.

როგორც „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს, მოკლევადიანი კურსი ტურისტული სერვისების შეთავაზებას, გაყიდვას, მომსახურებას და სხვა იმ მნიშვნელოვან თემებს მოიცავს, რომელიც ტურისტულ ბიზნესში ჩართულ მოქალაქეებს ტურისტებთან კომუნიკაციას გაუმარტივებს.

აჭარის ავტონომიური რესპუბლიკის მთავრობის ინფორმაციით, წელს, აჭარის ტურიზმის დეპარტამენტი კურორტ გოდერძის საოჯახო-სასტუმრო სახლებისა და კვების ობიექტების 40-მდე წარმომადგენლისთვის ინგლისური ენის კურსის მესამე ეტაპს ატარებს. კურსის პირველი და მეორე ეტაპი კურორტზე გასულ წელს ჩატარდა, სადაც მონაწილეებს ინგლისური ენის სპეციალური ვიდეო-გაკვეთილებიც დაურიგდათ.

„კურორტ გოდერძის ტურისტული მიმართულება ტურისტებში განსაკუთრებით პოპულარულია. შესაბამისად, უცხო ენის შესწავლის საჭიროებაც მაღალია, რათა ტურისტულ ბიზნესში დასაქმებულებმა შეძლონ სტუმრებთან კომუნიკაციის დამყარება. ბუნებრივია, ჩვენ მხოლოდ ინგლისური ენის სწავლებით არ შემოვიფარგლებით და სერვისის გაუმჯობესების მიზნით ვგეგმავთ ტრენინგების გაგრძელებას იგივე მზარეულებისა და ტურისტული ობიექტების მენეჯმენტისთვის. კურორტის განვითარება ინფრასტრუქტურის პარალელურად საჭიროებს სერვისის გაუმჯობესებას, რაშიც ჩვენ აქტიურად ვართ ჩართულები. კურორტზე არაერთი მნიშვნელოვანი ინფრასტრუქტურული პროექტი მიმდინარეობს, დაიწყო ხულო-ახალციხის დამაკავშირებელი გზის რეაბილიტაციაც და რამდენიმე წელში, ჩვენ მივიღებთ განვითარებულ, სამთო-სათხილამურო კურორტს, რომელიც ტურისტებს წლის ნებისმიერ დროს უმასპინძლებს“, -განაცხადა აჭარის ტურიზმის დეპარტამენტის თავმჯდომარე სულხან ღლონტმა.

ბოლო ორ წელში, აჭარის ტურიზმის დეპარტამენტის პროექტის „ტურიზმის განვითარების სკოლა“ ფარგლებში, აჭარაში ტურიზმის სექტორში დასაქმებული 1000-მდე მოქალაქე გადაამზადა, მათ შორის 300-ზე მეტი მთიან აჭარაში. ტრენინგები რეგიონში წელსაც გაგრძელდება.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო