სასტუმროში „რედისონ ბლუ ივერია“ შრომის სამართალში კონფერენცია ჩატარდა

იუსტიციის უმაღლესი სკოლის და შრომის საერთაშორისო ორგანიზაციის (ILO) თანამშრომლობით, დღეს, სასტუმროში „რედისონ ბლუ ივერია“ ჩატარდა კონფერენცია შრომის სამართალში.

აღნიშნულის შესახებ „ინტერპრესნიუსს“ იუსტიციის უმაღლესი სკოლიდან აცნობეს.

როგორც მათ მიერ მოწოდებულ ინფორმაციაშია აღნიშნული, კონფერენციის ფარგლებში, მომხსენებლებად მოწვეულნი იყვნენ შრომის საერთაშორისო ორგანიზაციის როგორც უცხოელი, ისე ქართველი ექსპერტები, მოსამართლე-ექსპერტი თბილისის სააპელაციო სასამართლოდან, ასევე საქართველოს ადვოკატთა ასოციაციის, საქართველოს დასაქმების ასოციაციისა და საქართველოს პროფესიული კავშირების გაერთიანების წარმომადგენლები.

მოხსენებები ეხებოდა ისეთ აქტუალურ საკითხებს, როგორიცაა შრომითი ხელშეკრულების შეწყვეტა და დისკრიმინაცია დასაქმების ადგილზე. კერძოდ, მიმოხილულ იქნა აღნიშნულ ორ თემატიკაზე როგორც საერთაშორისო სტანდარტები, ისე ეროვნული კანონმდებლობა და სასამართლო პრაქტიკა.

ღონისძიებას ესწრებოდნენ მოსამართლეები საქართველოს სხვადასხვა სასამართლოდან, ადვოკატები, ასევე საქართველოს დასაქმების ასოციაციისა და საქართველოს პროფესიული კავშირების გაერთიანების წარმომადგენლები, რომელთაც მონაწილეობა მიიღეს შესაბამის პანელურ დისკუსიებში.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება