პრეზიდენტები შეთანხმდნენ, რომ აუცილებელია კომისიამ, რომელიც წლების განმავლობაში იყო გაჩერებული, მუშაობა განაახლოს, - ამის შესახებ საქართველოს პრეზიდენტის პრესსპიკერმა ხატია მოისწრაფიშვილმა განაცხადა. მოისწრაფიშვილის თქმით, ის მოსაზრება, რომ დავით გარეჯში განვითარებულ მოვლენებს პრეზიდენტს უკავშირებენ, მცდარია.

„პრეზიდენტის პოზიცია არის ცალსახა. საქართველოს პრეზიდენტის ოფიციალური ვიზიტის დროს აზერბაიჯანის რესპუბლიკაში, აზერბაიჯანის პრეზიდენტთან მიღწეული იქნა ერთობლივი შეთანხმება იმისათვის, რომ აზერბაიჯანსა და საქართველოს შორის საბოლოოდ დადგინდეს საზღვარი. პრეზიდენტები შეთანხმდნენ, რომ აუცილებელია კომისიამ, რომელიც წლების განმავლობაში იყო გაჩერებული, მუშაობა განაახლოს. ეს არის მთავარი მდგენელი ორ ქვეყანას შორის კეთილმეზობლური და მეგობრული ურთიერთობის შემდგომი განახლებისათვის“, - განაცხადა ხატია მოისწრაფიშვილმა.