ინფორმაცია, რომელიც ჩვენ „რუსთავი 2“-ის ხელმძღვანელობისაგან მოვისმინეთ, საგანგაშოა. ბიძინა ივანიშვილისა და „ქართული ოცნების“ სურვილია, რომ საქართველოში თავისუფალი მედია გააჩუმოს, - ასე ეხმაურება პარლამენტის ოპოზიციონერი ვიცე-სპიკერი სერგი კაპანაძე „რუსთავი 2“-ის წინააღმდეგ დაწყებულ ახალ სასამართლო დავას.
როგორც კაპანაძემ ჟურნალისტებთან საუბრისას აღნიშნა, მათ კონსულტაციები ექნებათ როგორც „რუსთავი 2“-ის გუნდთან, ასევე სხვა ძალებთან.
„დაუშვებელია, რომ ივანიშვილმა „რუსთავი 2“ გააჩუმოს. აქ ყველანი ერთად უნდა დავდგეთ, ვისაც გვსურს ქვეყანაში იყოს დემოკრატიული პროცესები და ქვეყანა წავიდეს წინ“, - აღნიშნა სერგი კაპანაძემ.