კახა კალაძე „რუსთავი 2“-თან დაკავშირებულ კითხვაზე - ჩვენ გვაქვს ზედემოკრატია და ზეთავისუფლება

ჩვენ გვაქვს ზედემოკრატია და ზეთავისუფლება, - ასე უპასუხა დედაქალაქის მერმა კახა კალაძემ „რუსთავი 2“-თან დაკავშირებით დასმულ კითხვას.

როგორც კალაძე აცხადებს, დღეს საქართველოში სიტყვის თავისუფლების პრობლემა არ არსებობს.

„დღეს საქართველოში ჩვენ გვაქვს თავისუფლება. თქვენ არავინ არაფერს გიზღუდავთ და ამის ძალიან ბევრი მაგალითი შემიძლია მოვიყვანო, თუნდაც, ბოლო დღეების სიუჟეტები“,- აღნიშნა კალაძემ.

რაც შეეხება ბიძინა ივანიშვილთან დაკავშირებით დასმულ კითხვას და მის განცხადებებს ტელეკომპანიის მისამართით, კალაძე აცხადებს, რომ ყველას აქვს საკუთარი აზრი.

„ყველა ადამიანს აქვს თავისი მოსაზრება და ხედვა. ყველა ერთნაირ აზრზე უნდა ვიყოთ? ჩვენ ხომ დემოკრატიულ ქვეყანას ვაშენებთ. ასე, რომ დემოკრატიულ ქვეყანაში იქნება აზრთა სხვადასხვაობა, იქნებიან ადამიანები, რომლებსაც კონკრეტულ თემებზე ექნებათ სხვადასხვა მოსაზრებები, როგორც ეს არის მმართველ პარტიაშიც, ჩვენს გუნდშიც არის კონკრეტული საკითხები, რომელზეც გუნდის წევრებს სხვადასხვა მოსაზრებები აქვთ“,- განაცხადა კალაძემ.

„რუსთავი 2“-ის ცნობით, სამაუწყებლო კომპანიის 9%-ის მფლობელი ნინო ნიჟარაძე დაგროვილი გადასახადების სახით კომპენსაციას ითხოვს. საუბარია ჯამში, დაახლოებით, 26 მილიონ ლარზე. ნინო ნიჟარაძე არხის ყოფილი დირექტორის, გოგი გეგეშიძის მეუღლეა და მისი გარდაცვალების შემდეგ მიიღო კომპანიის წილი.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა