პარლამენტის განათლებისა და მეცნიერების კომიტეტი მაისის ბოლოსთვის სამინისტროსგან 2020 წელს დაგეგმილი ერთიანი ეროვნული გამოცდების დეტალებთან დაკავშირებულ პროექტს ელოდება.

“პროექტში გაწერილი იქნება თუ როგორ მოხდება მობილობის წესით დაფინანსების ნაწილის გადაჭრა. მაისის ბოლოს შევძლებთ საკითხს დეტალურად დავუბრუნდეთ“, - განაცხადა კომიტეტის თავმჯდომარემ მარიამ ჯაშმა კომიტეტის დღევანდელ სხდომაზე.

კომიტეტმა მხარი არ დაუჭირა ინიციატივას, რომლის მიხედვით, მისაღებ გამოცდებზე ზოგადი უნარების გამოცდის ჩაბარება კანონით სავალდებულო ხდება.

“უმაღლესი განათლების შესახებ“ კანონში ცვლილებები პარლამენტს “ევროპული საქართველოს“ წევრებმა სერგი კაპანაძემ და ოთარ კახიძემ შესთავაზეს.