მწერალთა სახლი  დაკარგულ ნივთებზე - კომპანიის თანამშრომელმა, რომელიც შენობას იცავდა, ნივთები საცავიდან გაიტანა

მწერალთა სახლის დაკარგულ ნივთებთან დაკავშირებით განცხადებას ავრცელებს. მწერალთა სახლის ინფორმაციით, 2018 წლის ივლისში აღმოაჩინეს, რომ საცავიდან გატანილია ნივთები, რომელიც აუდიტორული კომპანიის მიერ შეფასებულია 850 ლარად.

„ინტერპრესნიუსი“ მწერალთა სახლის განცხადებას უცვლელად გთავაზობთ:

„გვსურს, გამოვეხმაუროთ მედიისა და საზოგადოების ინტერესს მწერალთა სახლიდან 2018 წელს დაკარგულ ნივთებთან დაკავშირებით.

2017 წელს დავიწყეთ მზადება დავით სარაჯიშვილის მემორიალური მუზეუმის გახსნისთვის. შესაბამისად, აღმოსავლურ ოთახში ჩატარდა სარესტავრაციო - სარეაბილიტაციო სამუშაოები კერძო სექტორის ფინანსური მხარდაჭერით. ამ წლების მანძილზე რამდენჯერმე შევიძინეთ სხვადასხვა დროს დაკარგული ჭურჭლის კომპლექტი სარჯიშვილის მონოგრამით და დავაარსეთ სპეციალური ფონდი დავით სარაჯიშვილის სახლიდან ასევე ადრეულ წლებში გატანილი ავეჯის დასაბრუნებლად.

მუზეუმის ექსპოზიციაზე მუშაობის პროცესში, 2018 წლის ივლისში აღმოვაჩინეთ, რომ საცავიდან გატანილია ნივთები (აუდიტორული კომპანიის მიერ შეფასებული საერთო ღირებულებით 850 ლარად); აქვე განვმარტავთ, რომ მწერლთა სახლის ბალანსზე არსებული ყველა ნივთი აღრიცხული და შეფასებულია აუდიტის მიერ 2011 წელს მწერალთა სახლის გახსნისთანავე.

შექმნის დღიდან 2018 წლამდე მწერალთა სახლის შენობას იცავდა სსიპ „დაცვის პოლიციის დაპარტამენტი“, რომელმაც საფასური გააორმაგა და ჩვენი მკაცრად განსაზღვრული ბიუჯეტის ფარგლებში შეუძლებელი გახდა მათი მომსახურებით სარგებლობა. შენობის დაცვა გააგრძელა ტენდერში გამარჯვებულმა ერთ-ერთმა კომპანიამ, სწორედ ამ კომპანიის თანამშრომელმა 2018 წლის გაზაფხულზე გაიტანა ნივთები საცავიდან; 2018 წლის 25 ივლისს, ძარცვასთან დაკავშირებით დაუყოვნებლივ ეცნობა პოლიციას, აღძრულია საქმე და მიმდინარეობს გამოძიება“, - ნათქვამია გავრცელებულ განცხადებაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო