8 მაისს, გაერო-ს საგზაო უსაფრთხოების გლობალურ კვირეულთან დაკავშირებით სტუდენტებთან საქართველოს გზებზე არსებულ ვითარებაზე შეხვედრა გაიმართება

6-12 მაისს, გაერო-ს საგზაო უსაფრთხოების მეხუთე გლობალური კვირეული 100-ზე მეტ ქვეყანაში აღინიშნება, რომლის გზავნილია “გაუფრთხილდი სიცოცხლეს #ხმააიმაღლე”, ხოლო მთავარი თემაა ლიდერობა საგზაო უსაფრთხოებისთვის, რაც გულისხმობს გზებზე მსხვერპლის შემცირებას როგორც გადაწყვეტილების მიმღებ პირთა ლიდერობით, ასევე - საზოგადოების გააქტიურებით. ამის შესახებ ინფორმაციას „საქართველოს ალიანსი უსაფრთხო გზებისთვის“ ავრცელებს.

მათი ინფორმაციით, 8 მაისს “საქართველოს ალიანსი უსაფრთხო გზებისთვის”, “პარტნიორობა საგზაო უსაფრთხოებისთვის”, შინაგან საქმეთა სამინისტროსა და სადაზღვევო კომპანიის “ჯიპიაი ჰოლდინგი” წარმომადგენლები ილიასა და ი. ჯავახიშვილის სახელმწიფო უნივერსიტეტების სტუდენტებთან შეხვედრას გამართავენ და ისაუბრებენ საქართველოს გზებზე არსებულ ვითარებაზე, საფრთხესა და მისი თავიდან აცილების შესაძლებლობებზე.

„შეხვედრა დასრულდება აქცია-პერფორმანსით, რომელიც უნივერსიტეტის მიმდებარედ არსებულ შუქნიშნებთან გადაინაცვლებს - სტუდენტები მძღოლების ცნობიერების ასამაღლებელ აქციას გამართავენ და ზებრა გადასასვლელზე სლოგანებიანი ტრანსპარანტებით მოუწოდებენ საგზაო წესების დაცვისკენ.

შეგახსენებთ, რომ შსს-ს 2019 წლის პირველ კვარტალში წინა წლის იგივე პერიოდთან შედარებით 8%-ით გაიზარდა სიკვდილიანობა, ხოლო საგზაო შემთხვევები და დაზიანებები 10%-ით შემცირდა.

2018 სტატისტიკური ინფორმაციით, საქართველოში 2018 წელს 6,452 ავტოსაგზაო შემთხვევა მოხდა, რასაც 459 ადამიანი ემსხვერპლა, ხოლო 9,047 დაშავდა. 2017 წელთან შედარებით 2018 წელს ავტოავარიების რაოდენობა 6%-ით, დაშავებულთა რაოდენობა 7%-ით გაიზარდა“, - აღნიშნულია „საქართველოს ალიანსი უსაფრთხო გზებისთვის“ მიერ გავრცელებულ ინფორმაციაში.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა